U Vilni, u EHU, adkryłasia novaja vystava piśmieńnika i mastaka Adama Hłobusa «Minsk—Vilnia».
Heta čarhovaja, treciaja sioleta, ekspazicyja pradstaŭlaje nam mastakoŭski darobak tvorcy za apošnija hady, ciaham jakich jon nastojliva vynachodziŭ novyja vobrazy dvuch stalic, ich abličča ŭ našym, XXI stahodździ, vyčuvajučy ichnuju viekavuju i sionńniašniuju niepadzielnaść. Žyvapisnaja maniera mastaka manumientalnaja, ale adnačasna hrafičnaja, pry dapamozie jahoj stvarajucca łakaničnyja, žorstka vyvieranyja kampazicyi, u jakich pieravažajuć abstraktnyja, tematyčnyja, haradskija matyvy. Bałans pamiž koleram i liniearanaściu i dynamičnaje ŭzajemadziejańnie pamiž imi – admietnaja rysa siońniašnich tvoraŭ Adama Hłobusa.
Padčas prezientacyi vystavy adbyŭsia i tvorčy viečar, na jakim prahučali novyja i kolišnija vieršy Adama Hłobusa, pierakłady i jašče nie drukavanyja «Vilenskija kazki». Udzielnikami imprezy byli nia tolki studenty, jakija mahli atrymać ad aŭtara adkazy na samyja niečakanyja pytańni, vykładčyki EHU, ale i vykładčyki EHU, biełaruskija žurnalisty i pravaabaroncy.
