U Hrodnie pry padtrymcy DAI pradstavili fotaprajekt «Žyvyja znaki», paviedamiŭ načalnik adździeła ahitacyi i prapahandy DAI UUS Hrodzienskaha abłvykankama Andrej Cydzik.
Asablivaściu sieryi fatahrafij źjaŭlajecca toje, što simvały na znakach pakazvajuć prafiesijnyja tancory. Meta tvorčaj akcyi — pryciahnuć uvahu hramadskaści da zachavańnia tych praviłaŭ PDR, parušeńnie jakich niasie najbolš ciažkija nastupstvy.
Aŭtarami fotaprajekta stali fatohraf Jan Chviedčyn i stylist Volha Ko. Jany chacieli pakazać, što vykanańnie pravił PDR — heta nie pustaja farmalnaść, a nieabchodnaść, jakaja ratuje žyćci.
«Mastactva moža nie tolki zabaŭlać, ale i ratavać. I kali choć adzin kiroŭca paśla našaj pracy pierastanie parušać praviły PDR, ja budu ličyć svaju pracu vykananaj», — adznačyła stylist Volha Ko.
Tolki na praciahu 2015 ŭ vyniku avaryj na darohach Hrodzienskaj vobłaści zahinuli abo paciarpieli amal 500 čałaviek. Arhanizatary zaklikajuć vadzicielaŭ i piešachodaŭ vykonvać jak prademanstravanyja darožnyja znaki, tak i PDR u cełym. Bo tolki tak možna harantavać biaśpieku na darohach sabie i navakolnym