Ruch «Za Svabodu», Abjadnanaja hramadzianskaja partyja i arhkamitet pa stvareńni partyi «Biełaruskaja chryścijanskaja demakratyja», pavodle infarmacyi BiełaPAN, padpišuć padčas svajho vizitu ŭ Brusiel 9—11 śniežnia, pahadnieńnie ab stvareńni pravacentrysckaj kaalicyi.
Vizit u Brusiel pieršaha namieśnika staršyni «Za Svabodu» Juryja Hubareviča, staršyni AHP Anatola Labiedźki i sustaršyni arhkamiteta BCHD Vitala Rymašeŭskaha prachodzić pa zaprašeńni Jeŭrapiejskaj narodnaj partyi (JENP).
Jak raniej paviedamlałasia, pradstaŭniki hetych troch arhanizacyj, a taksama Partyi BNF padčas vizitu ŭ Brusiel 17—19 listapada padpisali dekłaracyju ab stvareńni pravacentrysckaha błoka. Vizit taksama prachodziŭ pa zaprašeńni JENP.
Miarkujecca, što novaja kaalicyja budzie sumiesna ŭdzielničać u dźviuch bližejšych vybarčych kampanijach šlacham stvareńnia adzinaha śpisa kandydataŭ u deputaty Pałaty pradstaŭnikoŭ na parłamienckich vybarach 2016 hoda i vyłučeńnia adzinaha kandydata ŭ prezidenty na vybarach 2020 hoda.
Pry hetym pradstaŭniki nazvanych struktur nie paćvierdzili fakt padpisańnia dekłaracyi, ale i nie admaŭlali, što pravacentrysckija arhanizacyi abmiarkoŭvajuć płany sumiesnaj dziejnaści.
Staršynia Partyi BNF Alaksiej Janukievič paviedamiŭ, što taksama atrymlivaŭ zaprašeńnie ŭziać udzieł u vizicie ŭ Brusiel 9—11 śniežnia. «Tam płanujecca, pavodle našaj infarmacyi, abmierkavańnie hetaha pytańnia (stvareńnie kaalicyi) Ja dapuskaju, što kali b va ŭsich udzielnikaŭ była adzinaja pazicyja, stvareńnie ŭžo mahło adbycca. I ja nie vyklučaju, što jano moža adbycca ŭ farmacie troch arhanizacyj», — skazaŭ jon.
Admovu ad svajho vizitu ŭ Brusiel Janukievič arhumientavaŭ rašeńniem pašyranaha pasiadžeńnia palityčnaj kamisii partyi z udziełam kiraŭnikoŭ rehijanalnych struktur, jakoje adbyłosia 8 śniežnia. «My abmierkavali pytańnie stvareńnia kaalicyi čatyroch arhanizacyj. Było pryniataje rašeńnie rekamiendavać sojmu, pasiadžeńnie jakoha adbudziecca 12 śniežnia, nie ŭvachodzić u hetuju i lubyja inšyja kaalicyi ci śpisy kandydataŭ na parłamienckich vybarach 2016 hoda. Taksama jość rekamiendacyja palityčnaj kamisii, kab na vybarach-2016 Partyja BNF udzielničała sa svaim śpisam kandydataŭ i pasłańniem, kab raspaŭsiudžvać u hramadstvie našy idei i kaštoŭnaści», — paviedamiŭ jon.