Nabližajucca kaladnyja i navahodnija śviaty, jakija dla mnohich z nas stanuć časam cudoŭnych padarunkaŭ. Akurat da ich redakcyja Arche prymierkavała samy vialiki rasprodaž časopisaŭ i knižak, źniziŭšy maksimalna na ich ceny.
Usiaho na rasprodaž vystaŭlajucca 40 vydańniaŭ (18 numaroŭ Arche i 22 knihi) na samuju raznastajnuju, ale pieradusim histaryčnuju tematyku.
Pra ŭmovy rasprodažu možna daviedacca na sajcie časopisa Arche.
Vydańni, jakija vystaŭlajucca na rasprodaž:
№ 5/2011 («Połacak: padarožža ŭ prastory i časie»: ahulny abjom 412 staronak)
Tematyčna hety numar źjaŭlajecca praciaham №4 «ARCHE» za 2009 hod «Śpis połackich nieviadomaściaŭ». U numar uklučanyja šmatlikija materyjały pa historyi i kultury najstaražytniejšaha biełaruskaha horada, siarod aŭtaraŭ — Uładzimir Arłoŭ, Aleh Łatyšonak, Aleś Kraŭcevič, Vasil Varonin, Siarhiej Tarasaŭ, Viktar Žybul i inš.
Cana — 35 000 rubloŭ.
Poŭny źmiest numara dastupny TUT.
№ 11/2011 («Biełaruski humanitarny ahlad»; ahulny abjom 504 staronki)
U numary drukujucca raznastajnyja pra historyi Biełaruskaj Narodnaj Respubliki i Vialikaha Kniastva Litoŭskaha, u tym liku daśledavańni «Vialikaje Kniastva Litoŭskaje ŭ paraŭnalnaj histaryčnaj sacyjałohii impieryjaŭ», «Da prablemy cyvilizacyjnaha charaktaru Vialikaha Kniastva Litoŭskaha», «Epanimičnaja viersija pachodžańnia nazvy Litva ŭ śviatle biełaruskich refleksaŭ indajeŭrapiejskaha bliźniečaha mitu». Publikujecca narys Taćciany Varonič «Prastytucyja ŭ haradach Biełarusi: druhaja pałova XIX — pačatak XX stst.»
Cana — 40 000 rubloŭ.
Poŭny źmiest numara dastupny TUT.
Mnostva recenzij i knižnych ahladaŭ pa historyi, litaratury, etnałohii, movaznaŭstvie, mastactvie, knihaznaŭstvie i inšych halinach humanitarystyki. Siarod aŭtaraŭ numara — Hienadź Siemiančuk, Piotra Sadoŭski, Ina Sorkina, Alaksiej Kaŭka i inšyja.Temy numaru – «Histaryčnaja palityka na postsavieckaj prastory», «Resavietyzacyja histaryčnaj pamiaci», «Antrapołahi i balšavickaja viersija madernaści»
Poŭny źmiest numara dastupny TUT.
Cana — 18000 rubloŭ.
Mnostva recenzij i knižnych ahladaŭ pa historyi, litaratury, etnałohii, movaznaŭstvie, mastactvie, knihaznaŭstvie i inšych halinach humanitarystyki. Siarod aŭtaraŭ numara — Aleś Smalančuk, Alaksandr Paškievič, Dźmitryj Vićko. Drukujucca ahlady Alaksandra Kazakova «Palavańnie na «Aršanski mif»», «Hruntoŭnaja historyja Rečy Paspalitaj» Lubovi Kozik, «Druhaja suśvietnaja vajna i novaja histaryčnaja navuka Skandynavii» Andreja Katlarčuka, «Kryžovyja pachody na Bałtyku i ich miesca ŭ papskaj palitycy» Aleha Łatyšonka, «Baćka Biełaruskaha Adradžeńnia i jaho idejnaja spadčyna. «Trylohija» Antona Łuckieviča i jaje miesca ŭ biełaruskaj humanistycy» Andreja Ŭnučaka.
Poŭny źmiest numara dastupny TUT.
Cana — 18000 rubloŭ.
№6/2012 («Vajskovaja historyja Vialikaha Kniastva Litoŭskaha»; ahulny abjom 494 staronki)
Adzin z samych papularnych numaroŭ «ARCHE», jaki z uvahi na vialiki popyt vyjšaŭ navat druhim nakładam.
U numary pradstaŭlenyja daśledavańni aŭtaraŭ ź Biełarusi (Mikoła Vołkaŭ, Vital Kalada, Viktar Jakubaŭ, Kirył Karluk, Natalla Śliž,), Polščy (Andžej Hžehaž Pšepiurka, Konrad Babiatynski, Kšyštaf Kasažecki, Piotr Krol, Tomaš Ciasielski, Maryjuš Savicki, Andžej Adam Majeŭski), Litvy (Vałdas Rakucis, Antanas Ciła, Rajmonda Rahaŭskienie) i Rasii (Iryna Hierasimava). U publikacyjach aśviatlajucca pytańni historyi asobnych vajskovych adzinak i harnizonaŭ, vajskovaha zakanadaŭstva VKŁ, upłyvu vojnaŭ i vajskoŭcaŭ na palityčnyja i kulturnyja pracesy ŭ krainie. Šmat miesca nadajecca apisańniu asobnych bitvaŭ, a taksama žyćciapisam najbolš vydatnych tahačasnych pałkavodcaŭ. Upieršyniu ŭ hetym numary byli źmieščanyja materyjały rekanstrukcyi źniešniaha vyhladu vajaroŭ VKŁ XVII st.
Poŭny źmiest numara dastupny TUT.
Cana — 55000 rubloŭ.
№ 4/2013 («Biełaruś u ciani Paleśsia»; ahulny abjom 640 staronak)
Numar całkam pryśviečany historyi i kultury Biełaruskaha Paleśsia ŭ XIX—XXI stst. Na jaho staronkach apublikavanyja materyjały pa ahulnaj historyi rehijona i historyi asobnych miascovaściaŭ, bijahrafičnyja, etnałahičnyja i demahrafičnyja daśledavańni, uspaminy. Nazvy publikacyj: «Nacyjanalnyja pracesy ŭ Paleskim vajavodstvie ŭ 1920-ja hh. praz pryzmu vynikaŭ vybarčych kampanij u polski parłamient», «Rečycki chranohraf kanca XVIII— pačatku XX st.», «Miastečka Haradnaja: ad majdeboryi da sielsavietu», «Šani, vioska Pružanskaha pavieta. Ekanamičnaje i sacyjalnaje daśledavańnie».
Poŭny źmiest numara dastupny TUT.
Cana — 65 000 rubloŭ.
№ 3/2014 («Viciebskija historyi»; ahulny abjom 384 staronki)
Hety numar całkam pryśviečany Viciebsku i jaho tysiačahadovaj historyi. Jak pišuć u pradmovie jaho ŭkładalniki, «Viciebsk histaryčna maje pamiežny status. Za tysiačahadovuju historyju tolki dva stahodździ kala jaho nie prabiahała miaža. Uvieś astatni čas vićbičy — na franciry, što naklikała na horad biedstvy ad zachopaŭ i akupacyj. Tema źniščeńnia, ramontu, adnaŭleńnia i zaniadbańnia zamkaŭ pastajanna padymałasia žycharami Viciebska ŭ jaho siaredniaviečnaj i rańniemadernaj historyi».
Poŭny źmiest numara dastupny TUT.
Cana — 50 000 rubloŭ.
№6/2014 («Mahnateryja Vialikaha Kniastva Litoŭskaha»; ahulny abjom 385 staronak)
U numary aśviatlajucca pytańni jak zaradžeńnia mahnackaha stanu ŭ VKŁ, tak i jahonaha dalejšaha raźvićcia dy zaniapadu. Artykuły pryśviečanyja jak asobnym jaskravym postaciam, tak i historyi cełych mahnackich rodaŭ, ich uładańniaŭ dy śpiecyfičnych instytutaŭ, ź imi źviazanych. U numary drukujucca pracy biełaruskich (Nina Skiepjan, Natalla Śliž, Dźmitryj Vićko, Nastaśsia Skiepjan), litoŭskich (Rymvidas Piatraŭskas, Hianucie Kirkienie, Vidas Dalinskas, Ramunie Šmihielskicie-Stukienie, Rajmonda Rahaŭskienie) i polskich (Tomaš Kempa, Andžej Adam Majeŭski, Adam Danilčyk, Kšyštaf Kasažecki, Maryjuš Savicki, Alaksandra Ziobier).
Poŭny źmiest numara dastupny TUT.
Cana — 45000 rubloŭ.
№9/2014 («Histaryjahrafija 1920-ch hadoŭ: «doŭhaje XIX stahodździe». Častka 1. Mova i nacyja; ahulny abjom 430 staronak)
Numar źjaŭlajecca łahičnym praciaham toŭstaha № 7 časopisa za 2009 hod «Histaryjahrafija 1920-ch: Siaredniaviečča i rańniemaderny čas». Hetym razam da ŭvahi amataraŭ i znaŭcaŭ biełaruskaje historyi prapanujecca panarama histaryjahrafii 1920-ch hadoŭ, pryśviečanaja nastupnamu, asobnamu pieryjadu madernaj epochi — našamu «doŭhamu XIX stahodździu». Hety tom płanujecca vydać u dźviuch častkach, hetu numar – pieršaja ź ich. Siarod aŭtaraŭ numara: Alaksandr Šlubski, Leŭ Ćviatkoŭ, Michajła Pijatuchovič, Uładzimir Pičeta, Daniła Vasileŭski, Michaił Mialeška, Izrail Sosis, H. Pierlin, Sałamon Kacenbohien, Ryhor Rak, Janka Laŭčuk.
Poŭny źmiest numara dastupny TUT.
Cana — 40000 rubloŭ.
№10/2014 («Radzima»; ahulny abjom 476staronak)
U hetym numary sabranyja materyjały, jakija tak ci inakš refleksujuć nad temaj rodnaha domu ci prynamsi niejkim bokam datykajucca jaje. Siarod aŭtaraŭ numaru — Raberta Bałańjo, Siarhiej Bałachonaŭ, Tania Skarynkina, Mikałaj Chalezin, Amas Oz,Efraim Sievieła, Dźmitryj Hurnievič i inš.
Poŭny źmiest numara dastupny TUT.
Cana — 40000 rubloŭ.
№11/2014 («Haradzienski milenium»; ahulny abjom 396 staronak)
Asnoŭnaj temaj dadzienaha numara «ARCHE» stała Harodnia jak centr pryciahnieńnia. Hieahrafičnaje stanovišča dało mahčymaść horadu być važnym administracyjnym centram na praciahu stahodździaŭ. Adpaviedna Harodnia paŭpłyvała na rehijon, stała miescam histaryčnych padziej, istotnych nie tolki dla Haradzienščyny, ale i dla krainy. Artykuły numara achoplivajuć pieryjad ad Siaredniaviečča da sučasnaści, dadajučy ŭ ahulnuju skarbonku novyja viedy pa historyi Harodni i Haradzienščyny ŭ śfiery palityki, architektury, kultury, ekanomiki i inš. Siarod aŭtaraŭ numara — Aleh Lickievič, Natalla Śliž, Viačasłaŭ Švied, Andrej Kištymaŭ, Andrej Vaškievič, Taćciana Kasataja i inšyja biełaruskija, polskija i rasijskija daśledčyki.
Poŭny źmiest numara dastupny TUT.
Cana — 40000 rubloŭ.
№12/2014 («Bitva pad Oršaj: miesca pamiaci i kanflikt interpretacyj»; ahulny abjom 754 staronak)
Numar ujaŭlaje saboj publikacyju bolš čym na 750 staronak z 68 staronkami kalarovaha druku, jakaja prezientuje samy hruntoŭny na siońnia nabor navukovych viedaŭ na biełaruskaj movie ab pieradhistoryi Aršanskaj bitvy, a taksama pra abstaviny i chadu samoj siečy, jaje vyniki i značeńnie dla historyi Biełarusi i Jeŭropy. U numary – bolš za dva dziasiatki tekstaŭ historykaŭ ź Biełarusi, Rasii, Ukrainy, Litvy i Polščy. Siarod aŭtaraŭ numara – Hienadź Sahanovič, Kšyštaf Kviatkoŭski, Hiedyminas Lasmajcis, Uładzimir Kananovič, Konrad Babiatynski, Styven Roŭeł, Viktar Jakubaŭ i inš.
Poŭny źmiest numara dastupny TUT.
Cana — 55000 rubloŭ.
№1-2/2015 (Den Braŭn. »Kod da Vinčy»; ahulny abjom420 staronak)
U numary drukujecca poŭny pierakład na biełaruskuju movu kultavaha ramanu Dena Braŭna «Kod da Vinčy» i inšyja artykuły.
Poŭny źmiest numara dastupny TUT.
Cana — 35000 rubloŭ.
№3/2015 («Histaryjahrafija 1920-ch hadoŭ: «doŭhaje XIX stahodździe». Častka 2. Paŭstańni i revalucyi; ahulny abjom 732 staronki)
Numar źjaŭlajecca łahičnym praciaham toŭstaha № 7 časopisa za 2009 hod «Histaryjahrafija 1920-ch: Siaredniaviečča i rańniemaderny čas» i № 9 za 2014 hod «Histaryjahrafija 1920-ch hadoŭ: «doŭhaje XIXstahodździe»: mova i nacyja».
U numary drukujecca vialikaja kniha (300 staronak) Usievałada Ihnatoŭskaha «1863 hod na Biełarusi. Narys padziej», jakaja nikoli nie pieradrukoŭvałasia paśla pieršapublikacyi. Taksama ŭ numary: dvuchsotstaronkavaje daśledavańnie Siarhieja Cytoviča «1863 hod u Hory-Horkach byŭšaj Mahiloŭskaj huberni. (Padziei paŭstańnia)», «Synchranistyčnaja tablica padziej paŭstańnia na Biełarusi, Litvie i Polščy ŭ 1830—1831 hh.» Lavona Babroviča i Ivana Špileŭskaha, «Kastuś Kalinoŭski (k 60-hodździu jaho śmierci). Bijahrafična-histaryčny narys» Ivana Ćvikieviča i inš.
Poŭny źmiest numara dastupny TUT.
Cana — 50000 rubloŭ.
№4/2015 («Nieraŭnapraŭnaje partniorstva: dziaržava i hramadzianskaja supolnaść pry kansalidavanym aŭtarytaryźmie»; ahulny abjom 318 staronki)
U numary aśviatlajucca roznyja vymiery hramadzianskaj aktyŭnaści, u tym liku kulturnaja dziejnaść, baraćba za hiendernuju (nia)roŭnaść, palityčnaja salidarnaść, miascovaje samakiravańnie, hramadzianskaja adukacyja, adnosiny pamiž relihijnymi hrupami, maładziovyja subkultury, «zialony» ruch, a taksama praces (de)kansalidacyi i (de)palityzacyi hramadzianskaha siektara. Taksama raskryvajucca roznyja razumieńni hramadzianskaj supolnaści ŭ biełaruskich ŚMI, a taksama praktyki padmieny hramadzianskaj supolnaści niedziaržaŭnymi arhanizacyjami, arhanizavanymi dziaržavaj. Drukujucca daśledavańni štodzionnaha žyćcia treciaha siektara i śpiecyfiki akazańnia im sacyjalnych pasłuh.
Poŭny źmiest numara dastupny TUT.
Cana — 30000 rubloŭ.
№5/2015 («Polšča ŭ Druhoj suśvietnaj vajnie»; ahulny abjom 408 staronki)
Numar «ARCHE», jaki prapanujecca ŭvazie čytačoŭ, achoplivaje svaim źmiestam asnoŭnyja viechi z historyi polskaha ŭzbrojenaha čynu padčas Druhoj suśvietnaj vajny.
Čytač znojdzie ŭ im artykuły, pryśviečanyja čysta vajskovaj prablematycy (historyja stvareńnia i bajavoha šlachu paasobnych vajskovych farmavańniaŭ), a taksama daśledavańni, jakija tyčacca vajenna-palityčnaj situacyi ŭ Polščy napiaredadni i padčas Druhoj suśvietnaj vajny. Miarkujem, što biełaruskamu čytaču budzie cikava paznajomicca z historyjaj jak rehularnych vajskovych farmavańniaŭ, jakija dziejničali na roznych frantach vajny, tak i z historyjaj niezaležnickaha partyzanskaha ruchu. Tak, artykuł daśledčyka z Hdańska Jaceka Tebinki pryśviečany temie Polščy i polskich vajskovych farmavańniaŭ u jakaści subjekta mižnarodnaj palityki padčas Druhoj suśvietnaj vajny. Trahičnyja padziei vieraśnia 1939 h. i ich nastupstvy źjaŭlajucca pradmietam daśledčyckaj uvahi varšaŭskich prafiesaraŭ Vojciecha Materskaha i Julijuša Tyma. U svaju čarhu, udziełu polskich vojskach na zachodnich frantach vajny tyčacca pracy Januša Zuziaka z Varšavy, Tomaša Hajoŭnika z Olštyna, Paŭła Javorskaha z Urocłava, Jana Škudlinskaha z Hdańska. Historyja stvareńnia i dziejnaści polskich vajskovych farmavańniach na ŭschodnim froncie analizujecca varšaŭskimi daśledčykami Česłavam Hželakam i Źbihnievym Palskim, a taksama historykam z Łodzi Albinam Hłavackim. Prablematycy polskaha niezaležnickaha padpolnaha i partyzanskaha ruchu pryśviečanyja artykuły Andžeja Chmielaža z Varšavy, a taksama daśledčykaŭ z Hrodna Stanisłava Silvanoviča, Vitala Barabaša i Andžeja Pačobuta.
Poŭny źmiest numara dastupny TUT.
Cana — 40000 rubloŭ.
№ 6/2015 («Kniazi Radziviły; ahulny abjom 302 staronki)
Hety numar zaklikany sadziejničać pašyreńniu viedaŭ biełaruskaha čytača pra słavuty mahnacki rod. Dziela hetaha ŭ numary sabranyja artykuły viadomych historykaŭ ź Biełarusi, Litvy i Polščy, jakija zajmajucca daśledvańniem rodu Radziviłaŭ.Pieraličym nazvy niekatorych artykułaŭ, apublikavanych u numary: «Zakładańnie rodavych tradycyj na prykładzie Mikałaja Mikałajeviča Radziviła», «Karaleva i jaje brat: adnosiny Barbary Radzivił ź Mikałajem Radziviłam Rudym», «Kryštaf Radzivił Piarun — pieršy sienatar Vialikaha Kniastva Litoŭskaha», «Mikałaj Kryštaf Radzivił Sirotka i Bieraściejskaja unija», «Na słužbie karala i Rečy Paspalitaj: udzieł litoŭskaha krajčaha Žyhimonta Karala Radziviła ŭ Smalenskaj vajnie 1632—1634 hh.».
Poŭny źmiest numara dastupny TUT.
Cana — 40000 rubloŭ.
№ 7-8/2015 («Artur Hołden «Miemuary hiejšy»; ahulny abjom 414 staronki)
Asnovu numara składaje pierakład na biełaruskuju movu kultavaha ramana Artura Hołdena «Miemuary hiejšy». U numary taksama drukujucca ŭspaminy ŭradženca Hrodna Ryhora Chasida «Pra Hrodna, žyćcio haradzienskich habrejaŭ da vajny, pra adnosiny z polskim nasielnictvam, pryčyny vitańnia miascovym habrejstvam prychodu Čyrvonaj armii ŭ 1939-m i ab tym, što pryniesła habrejam savieckaja ŭłada» i hutarka z Barysam Kitom pad nazvaj «Ja jość doktar matematyčnych navukaŭ», jakuju zapisaŭ niamiecki historyk Fieliks Akierman napiaredadni 105-hodździa znanaha biełaruska-amierykanskaha navukoŭca.
Poŭny źmiest numara dastupny TUT.
Cana — 40000 rubloŭ.
U ramkach rasprodažy možna zamović taksama knihi:
Anton Adamovič. «Da historyi biełaruskaje litaratury» (ahulny abjom 1464 staronak)
Vydańnie znajomić čytača z małaviadomymi staronkami historyi biełaruskaj litaratury, asabliva praz tvory emihracyjnaha pieryjadu, kali napoŭnicu raskryŭsia krytyčny talent aŭtara. Usiaho ŭ zbornik uklučanyja 48 daśledavańniaŭ. Siaroł ich: «Maksim Harecki (Sproba monohrafii ab tvorčaści)» (179 st.), «Jakub Kołas u supracivie savietyzacyi»(64 st.), «Supraciŭ savietyzacyi ŭ biełaruskaj litaratury (1917—1957)» (289 st.), «Tak piajaŭ Sałaviej. Memuarna–kamentatyŭnyja dy krytyčna–tłumačalnyja natatki pra žyćcio j tvory Alesia Sałaŭja» (179 st.)
Poŭny źmiest knihi dastupny TUT.
Cana — 75 000 rubloŭ.
Adam Babareka. Zbor tvoraŭ u dvuch tamach (ahulny abjom 1665 staronak)
Amal što poŭny zbor tvoraŭ viadomaha mižvajennaha biełaruskaha litaraturaznaŭcy byŭ pryznany lepšym knižnym vydańniem 2011 hoda pavodle viersii haziety «Naša Niva». Mnohija materyjały na staronkach knihi drukujucca ŭpieršyniu dziakujučy tamu, što ŭ składanych varunkach stalinskaha teroru 1930-ch hh., achviaraj jakoha siarod mnohich inšych staŭ i Adam Babareka, jahonaj siamji ŭdałosia cudam zachavać rukapisny archiŭ piśmieńnika i navukoŭca (situacyja ŭ vypadku z represavanymi biełaruskimi litaratarami amal unikalnaja).
Poŭny źmiest vydańniaŭ dastupny TUT i TUT.
Cana — 100 000 rubloŭ (za dva tamy).
Konrad Babiatynski. «Ad Smalensku da Vilni. Vajna Rečy Paspalitaj z Maskovijaj (1654—1655 hh.)» (ahulny abjom 168 staronak)
Kniha pryśviečanaja historyi vajennaha kanfliktu, u vyniku jakoha ŭvosień 1655 h. amal usiu terytoryju Vialikaha Kniastva Litoŭskaha razam ź jahonaj stalicaj Vilniaj zaniali vojski maskoŭskaha cara Alaksieja Michajłaviča. Heta byŭ pieršy etap vialikaj vajny, jakaja praciahvałasia ŭ 1654—1667 hh. i zaviaršyłasia tolki Andrusaŭskim zamireńniem 31 studzienia 1667 h.
Poŭny źmiest knihi dastupny TUT.
Cana — 50000 rubloŭ.
Bałachoŭcy: Śviedčańni, dakumienty, daśledavańni (ahulny abjom 470 staronak)
Asnovu dosyć abjomnaj (pad 500 staronak) publikacyi składaje daśledavańnie estonskaha historyka Jurasia Jurkieviča «Stvareńnie i dziejnaść Asobnaha atrada BNR u Bałtyi», pryśviečanaje sprobam stvareńnia biełaruskich vajskovych farmiravańniaŭ u Bałtyi ciaham 1919 h., a taksama praca «Bałachoŭcy», napisanaja sučaśnikam padziej, polskim aficeram Stanisłavam Lisam-Błonskim u 1920-ja hh.
Akramia hetaha, u knizie dadatkova źmieščanyja niekatoryja małaviadomyja ŭspaminy i dakumientalnyja śviedčańni, datyčnyja žyćcia i dziejnaści Stanisłava Bułak-Bałachoviča i jaho vajskovych farmavańniaŭ, a taksama śpis usich žaŭnieraŭ Asobnaha atrada BNR pa stanie na kaniec 1919 h.
Vydańnie ilustravanaje, u tym liku kalarovymi ilustracyjami.
Poŭny źmiest knihi dastupny TUT.
Cana — 55000 rubloŭ
Mark Bartuška. «Partyzanskaja vajna ŭ Biełarusi ŭ 1941—1944 hh.» (ahulny abjom 194 staronki)
U knizie niamieckaha historyka dajecca ahlad dziejnaści roznych partyzanskich farmavańniaŭ na terytoryi akupavanaj Biełarusi ŭ 1941—1944 hh. Hieahrafičnyja miežy, jakija byli abranyja dla hetaj pracy, praktyčna achoplivajuć terytoryju sučasnaj Biełarusi, ale pry hetym razhladajucca taksama padziei ŭ rehijonie vakoł Vilni i na ziemlach, jakija ŭ 1939 h. uvajšli ŭ skład SSSR, adnak paśla 1945 h. byli znoŭ pieradadzienyja Polščy.
Poŭny źmiest knihi dastupny TUT.
Cana — 45000 rubloŭ.
«Hieapalityčnaje miesca Biełarusi ŭ Eŭropie i śviecie»
Kniha «Hieapalityčnaje miesca Biełarusi ŭ Eŭropie i śviecie», jak i vynikaje z zahałoŭka, pryśviečana hieapalitycy. Siarod źmieščanych u joj artykułaŭ adznačym analizy Itana S. Berhiera «Razychodžańnie pamiž palitykaj słovaŭ i spravaŭ: niepryznańnie Złučanymi Štatami vynikaŭ prezydenckich vybaraŭ u Biełarusi ŭ sakaviku 2006 h.», «Apošniaja dyktatura ŭ Eŭropie» – heta Zachad surjozna?» Mikoły Rabčuka, «Biełaruś: anatomija preventyŭnaha aŭtarytaryzmu» Vitala Silickaha, «Biełaruś pamiž «kalarovaj revalucyjaj» i «kontrrevalucyjnaj technalohijaj» Endru Ŭiłsana, «Rehijanalnyja adroznaści ŭ kantekście vynikaŭ prezydenckich vybaraŭ 1994, 2001, 2006» Andreja Kazakieviča, «Prastora biełaruskaha palityčnaha dyskursu i jaho vizualnyja i perfarmatyŭnyja elementy» Imkie Hansen, «Biełaruś: dziaržava, ale jašče nia nacyja» Ryhora Jofe, «Moj rejtynh eŭrapiejskich nacyjaŭ na pačatku XXIstahodździa» Aleha Łatyšonka, «Ci jość u Biełarusi biełarusy?» Devida R. Marpłza, «Pamiž łukašyzmam i nacyjanalizmam» Piatra Rudkoŭskaha.
Poŭny źmiest knihi dastupny TUT.
Cana — 18000 rubloŭ.
Aleh Łatyšonak. «Žaŭniery BNR» (ahulny abjom 373 staronki)
Vydańnie źmiaščaje tvory, u jakich razhladajucca sproby stvareńnia biełarusami nacyjanalnych vajskovych farmavańniaŭ u kancy 1910-ch — pačatku 1920-ch hh. Asnoŭnuju jaho častku składaje pierakład na biełaruskuju movu fundamientalnaj pracy «Biełaruskija vajskovyja farmavańni: 1917—1923 hady», reštu — kompleks artykułaŭ pra žyćcio i dziejnaść hienierała Stanisłava Bułak-Bałachoviča i pra asobnyja staronki ŭzbrojenaha zmahańnia biełarusaŭ za ŭłasnuju dziaržavu.
Poŭny źmiest knihi dastupny TUT.
Cana — 50000 rubloŭ.
Jan Stankievič. «Za rodnuju movu j praŭdzivy nazoŭ» (ahulny abjom 742 staronki)
Hetaja kniha źjaŭlajecca łahičnym praciaham dźviuch inšych hruntoŭnych zbornikaŭ movaznaŭčych i histaryčnych prac hetaha aŭtara, jakija pierad hetym vydavalisia ŭ našym vydaviectvie: «Jazyk i jazykavieda» i «Kryŭja-Biełaruś u minułaści». Novaje vydańnie pavodle źmiestu z papiarednimi nie pierasiakajecca, jano źmiaščaje tyja pracy Ja. Stankieviča, jakija ŭ 1910—1970-ja hh. drukavalisia na staronkach biełaruskaha pieryjadyčnaha i niepieryjadyčnaha druku jak u Biełarusi, tak i pa-za jaje miežami.
Poŭny źmiest knihi dastupny TUT.
Cana — 55 000 rubloŭ.
Adam Stankievič. «Z Boham da Biełarusi» (ahulny abjom 1097 staronak)
U vydańnie ŭklučanyja asnoŭnyja pracy hetaha relihijnaha i nacyjanalnaha dziejača na histaryčna-kulturnuju tematyku, pa historyi chryścijanstva i chryścijanskaha ruchu ŭ Biełarusi, relihijnaha i palityčnaha charaktaru, a taksama kalandarnyja zapisy, jakija rabilisia A. Stankievičam z kanca 1930-ch hh. da siaredziny 1948 h. — unikalnaje, cudam zachavanaje śviedčańnie pra losavyznačalny dla Biełarusi i biełarusaŭ čas. Pieraličym nazvy niekatorych apublikavanych pracaŭ: «Da historyi biełaruskaha palityčnaha vyzvaleńnia», «Kastuś Kalinoŭski. «Mužyckaja praŭda» i ideja niezaležnaści Biełarusi», «Biełaruski chryścijanski ruch», «Rodnaja mova ŭ śviatyniach».
Poŭny źmiest knihi dastupny TUT.
Cana — 99 000 rubloŭ.
Alaksandr Kraŭcevič. «Kraina pahraničča» (ahulny abjom 519 staronak)
U knihu ŭvajšli vybranyja navukova–papularnyja, eseistyčnyja i publicystyčnyja pracy, napisanyja aŭtaram na praciahu apošnich troch dziesiacihodździaŭ. Niekatoryja ź ich drukujucca ŭ zborniku ŭpieršyniu.
Pavodle aŭtara:
Kraj, jaki siońnia nazyvajecca Biełaruś, spradvieku byŭ i zastajecca krainaj miažy. Biełaruskaje pamiežža — źjava šmatpłanavajai ŭniviersalnaja. Jana pačynajecca ŭžo ad samoj pryrody. TerytoryjaBiełarusi — pamiežnaja raślinnaja zona, d zie hetak zvanaja jeŭrapiejskajatajha (sasnovyja bary i jałovyja huščary) pastupova pierachodziću listavy jeŭrapiejski les. Miaža vodapad ziełu pamiž bałtyjskaji čarnamorskaj vodnymi sistemami pierasiakaje ŭsiu krainu vialikaj duhoj ad paŭdniovaha zachadu da paŭnočnaha ŭschodu.
Poŭny źmiest knihi dastupny TUT.
Cana — 60000 rubloŭ.
Aleh Łatyšonak, Jaŭhien Miranovič. «Historyja Biełarusi ad siaredziny XVIII st. da pačatku XXI st.» (ahulny abjom 368 staronak)
U abahulnialnaj pracy biełastockich historykaŭ biełaruskaha pachodžańnia razhladajucca asnoŭnyja momanty historyi Biełarusi apošnich dvuch z pałovaj stahodździaŭ. Aŭtary, niahledziačy na svajo polskaje hramadzianstva, adstojvajuć pierš za ŭsio biełaruski, a nie polski punkt hledžańnia na histaryčnyja padziei, ale, pavodle ŭłasnaj dekłaracyi, biez praźmiernaha šanavańnia biełaruskich histaryčnych mifaŭ.
Poŭny źmiest knihi dastupny TUT.
Cana — 50000 rubloŭ.
«Letapisy i chroniki Biełarusi. Siaredniaviečča i rańniemaderny čas» (ahulny abjom 903 staronki)
Vydańnie ŭtrymlivaje teksty praktyčna ŭsich viadomych na siońniašni dzień biełaruska-litoŭskich letapisaŭ.
Poŭny źmiest knihi dastupny TUT.
Cana —60000 rubloŭ.
Siarhij Płachij. «Ruski Vaviłon: Damadernyja identyčnaści ŭ Rasii, Ukrainie i Biełarusi» (ahulny abjom 300 staronak)
U knizie prafiesara Harvardskaha ŭniviersiteta (ZŠA) ukrainskaha pachodžańnia robicca sproba adkazać na pytańnie, jakoje zajmała šmatlikich letapiscaŭ i historykaŭ na praciahu mnohich stahodździaŭ: «Adkul pajšła Ruskaja ziamla?». Pry hetym havorka idzie tut nie stolki pra ziamlu ŭ siońniašnim razumieńni terminu, kolki pra narod dy nacyju, a adkaz na pytańnie farmujecca praz rekanstrukcyju rańniemadernych identyčnaściaŭ našych prodkaŭ i papiarednikaŭ. Daśledavańnie damadernych uschodniesłavianskich identyčnaściaŭ maje na ŭvazie vyvučeńnie pracesu raźvićcia cełaha šerahu identyčnaściaŭ, jakija ŭ rozny čas stajali za paniaćciem «Ruś».
Poŭny źmiest knihi dastupny TUT.
Cana — 50 000 rubloŭ.
Aleś Bieły. «Chronika Biełaj Rusi» (ahulny abjom 470 staronak)
Hetaja kniha — istotna pierapracavanaje i dapoŭnienaje pieravydańnie manahrafii hetaha ž aŭtara, vydadzienaj u 2000 h. i pryśviečanaj historyi ŭźniknieńnia charonima «Biełaja Ruś» dy jaho pastupovaha dastasavańnia da terytoryi siońniašniaj Respubliki Biełaruś. U 2001 h. pieršaje vydańnie knihi było ŭhanaravana zasnavanaj Biełaruskim PEN-centram premijaj imia Franciška Bahuševiča. Kniha bahata ilustravanaja, u tym liku i šmatlikimi (usiaho kala 50 štuk) kalarovymi ilustracymi.
Poŭny źmiest knihi dastupny TUT.
Cana — 70 000 rubloŭ.
Jan Šumski. «Savietyzacyja Zachodniaj Biełarusi (1944—1953 h.): Prapahanda i adukacyja na słužbie ideałohii» (ahulny abjom 326 staronak)
U knizie pakazanyja pieramieny, jakija adbyvalisia ŭ 1944—1953 hh. u žyćci i śviadomaści žycharoŭ zachodnich abłaściej BSSR, jakija pierad Pieršaj suśvietnaj vajnoj uvachodzili ŭ skład Polščy. Na staronkach vydańnia pradstaŭlena daśledavańnie nacyjanalnaha, kadravaha, kulturna-aśvietnickaha i prapahandyscka-infarmacyjnaha aśpiektaŭ pracesu savietyzacyi na akreślenych terytoryjach.
Poŭny źmiest knihi dastupny TUT.
Cana — 50000 rubloŭ.
Rymvidas Piatraŭskas. «Litoŭskaja znać u kancy XIV— pačatku XV stahodździa» (ahulny abjom 386 staronki)
Hetaja praca litoŭskaha historyka — sproba sintezu piersanalnaj i sacyjalnaj historyi Vialikaha Kniastva Litoŭskaha. Z adnaho boku, aŭtar imkniecca vyznačyć pachodžańnie litoŭskaj znaci i pakazać jaje hienieałahičnaje raźvićcio, a ź inšaha boku sprabuje raskryć strukturny pierałom unutry zhadanaj znaci, jaki adbyŭsia ŭ XVst. Abiedźvie asnoŭnyja prablemy razhladajucca z ulikam dośviedu jeŭrapiejskaj histaryjahrafii.
Poŭny źmiest knihi dastupny TUT.
Cana — 55000 rubloŭ.
Ściapan Niekraševič, Mikoła Bajkoŭ. Rasijska-biełaruski słoŭnik (ahulny abjom 704staronki, ćviordaja vokładka)
Kniha ŭjaŭlaje ź siabie pieravydańnie najlepšaha i najpaŭniejšaha rasijska-biełaruskaha słoŭnika mižvajennaha času, pieršaje vydańnie jakoha vyjšła ŭ 1928 hodzie. Słoŭnik uklučaje bolš za 60 tysiač słoŭ i byŭ stvorany pavodle vybarki leksiki sa «Słovaria biełorusskoho nariečija» I. Nasoviča, «Smolenskoho obłastnoho słovaria» U. Dabravolskaha, «Biełaruska-polska-ruskaha słoŭnika» Ja. Cichinskaha, «Viciebskaha krajovaha słoŭnika», «Praktyčnaha vajskovaha słoŭnika», rukapisnych słoŭnikaŭ P. Špileŭskaha i S. Miadźviedzkaha, a taksama z vybranych litaraturnych tvoraŭ i narodnaj movy. Aŭtary imknulisia ŭchilacca ad štučnych navatvoraŭ: pieravahu addavali słovam, jakija isnujuć u narodnaj i litaraturnaj movie.
Poŭny źmiest knihi dastupny TUT.
Cana — 80000 rubloŭ.
Maksim Makaraŭ. Miesckija ŭłady Połacka (1580—1772 hh.): arhanizacyja, piersanalny skład (ahulny abjom 198 staronak)
U knizie razhledžany arhanizacyja, dziejnaść i piersanalny skład miesckich uładaŭ mahdeburhskaha Połacka ŭ kancy XVI— treciaj čverci XVIIIstst.
Poŭny źmiest knihi dastupny TUT.
Cana — 80000 rubloŭ
Viktar Ciemušaŭ. Na ŭschodniaj miažy Vialikaha Kniastva Litoŭskaha (siaredzina XIV — pieršaja pałova XVI st.) (ahulny abjom 464 staronki, ćviordaja vokładka)
Kniha ŭjaŭlaje ź siabie tematyčny zbor prac viadomaha biełaruskaha historyka, śpiecyjalista pa histaryčnaj hieahrafii, kartohrafa Viktara Ciemušava. Asobnyja raździeły knihi ŭpieršyniu ŭ ajčynnaj histaryjahrafii dazvalajuć prasačyć transfarmacyju ŭschodniaj miažy Vialikaha Kniastva Litoŭskaha na praciahu XIV— pieršaj pałovy XVIst. Vyznačańnie litoŭska-maskoŭskaj miažy razhladajecca na fonie raźvićcia adnosin dźviuch najbujniejšych dziaržaŭ Uschodniaj Jeŭropy: ad pieršych terytaryjalnych kantaktaŭ i kanfliktaŭ druhoj pałovy XIVst. da ŭstalavańnia tryvałaj miažy i pamiežnych vojnaŭ XV— pieršaj treci XVI st. Asobny raździeł pryśviečany losu Homiejskaj vołaści, jakaja na praciahu doŭhaha času zajmała pamiežnaje stanovišča pamiž VKŁ i Vialikim Kniastvam Maskoŭskim. U dadatku źmieščany pracy aŭtara pa prablemach histaryjahrafii, krynicaznaŭstva i rehijanalnaj historyi, źviazanyja z ahulnaj temaj. Značnuju kaštoŭnaść knizie nadajuć histaryčnyja karty, šerah ź jakich nadrukavanyja ŭpieršyniu.
Poŭny źmiest knihi dastupny TUT.
Cana — 90000 rubloŭ
Natalla Śliž. Šlubnyja i pazašlubnyja stasunki šlachty Vialikaha Kniastva Litoŭskaha ŭ XVI—XVII stst. (ahulny abjom 670 staronak)
Kniha pryśviečana šlubnym i pazašlubnym adnosinam šlachty Vialikaha Kniastva Litoŭskaha ŭ XVI—XVII stst. Razhledžana ŭnarmavańnie instytuta šlubu ŭ zakanadaŭstvie. Nadajecca ŭvaha vykanańniu zakanadaŭčych normaŭ u sudovaj praktycy i pryvatna-pravavych dakumientach. Asobna pradstaŭlena vypasažeńnie šlachcianak i nadańnie im viena. Daśledavany ŭpłyŭ pravasłaŭja, unijactva, katalicyzmu i pratestantyzmu na šlubnyja stasunki šlachty. Rekanstrujavany šlachiecki abrad viasiella. Pradstaŭlenyja asablivaści skasavańnia šlubu ŭ śvieckich i duchoŭnych sudach. Kniha supravadžajecca dadatkami i ilustracyjami.
Poŭny źmiest knihi dastupny TUT.
Cana — 80000 rubloŭ
Uładzimir Lachoŭski. Ad homanaŭcaŭ da hajsakoŭ. Čynnaść biełaruskich maładziovych arhanizacyj u 2-j pałovie XIX st. — 1-j pałovie XX st. (da 1939 h.) (ahulny abjom 480 staronak)
U manahrafii, napisanaj u formie navukova-papularnaha narysa, razhladajecca hramadska-palityčnaja i kulturna-aśvietnaja praca biełaruskich maładziovych supołak i zhurtavańniaŭ z druhoj pałovy XIX st. i da pačatku Druhoj suśvietnaj vajny ŭ ahulnym kantekście raźvićcia nacyjanalna-vyzvalenčaha ruchu i stanaŭleńnia hramadzianskaj supolnaści ŭ Biełarusi. U knizie robicca sproba adlustravać rolu maładziovaha ruchu ŭ nacyjatvorčych pracesach i ŭ stanaŭleńni biełaruskaj dziaržaŭnaści. Raźličana na šyrokaje koła čytačoŭ.
Poŭny źmiest knihi dastupny TUT.
Cana — 55000 rubloŭ.
Darota Michaluk. Biełaruskaja Narodnaja Respublika 1918 — 1920 hh.: la vytokaŭ biełaruskaj dziaržaŭnaści (ahulny abjom 496 staronak)
U manahrafii razhladajucca sproby zdabyćcia biełarusami ŭłasnaj dziaržaŭnaści paśla Pieršaj suśvietnaj vajny. Jaeaŭtar namahałasia jak maha paŭniej pradstavić naradžeńnie i raźvićcio biełaruskaj dziaržaŭnickaj idei, a taksama dziejnaść, jakaja pryviała da stvareńnia i abviaščeńnia niezaležnaści Biełaruskaj Narodnaj Respubliki. U pracy siarod inšaha prasočvajecca raźvićcio biełaruskaj dziaržaŭnickaj idei, utvareńnie roznych palityčnych stratehij i sajuzaŭ. Chranałahična kniha daviedziena da padzieńnia ŭrada Antona Łuckieviča ŭ lutym 1920 h., bo mienavita ŭ toj momant faktyčna razvaliŭsia biełaruski niezaležnicki łahier, a ŭrad BNR straciŭ zdolnaść dziejničać.
Poŭny źmiest knihi dastupny TUT.
Cana — 85000 rubloŭ.
Łukašenku stała drenna na samicie ŠAS u Kazachstanie — Dožd́7
Kamientary