Zajavu ab tym, što Biełaruś nikoli nie budzie ŭciahnutaja ŭ čužyja vojny i kanflikty, zrabiŭ siońnia ministr abarony Biełarusi Andrej Raŭkoŭ padčas cyrymonii pryniaćcia vajskovaj prysiahi asabistym składam 72-ha hvardziejskaha abjadnanaha vučebnaha centra padrychtoŭki praparščykaŭ i małodšych śpiecyjalistaŭ.
Andrej Raŭkoŭ adznačyŭ, što siońnia samaje hałoŭnaje dla suśvietnaj supolnaści pytańnie — jak zachavać mir na płaniecie, i hałoŭnaje prava čałavieka — prava na žyćcio.
Pa słovach kiraŭnika abaronnaha viedamstva, u hetych umovach pazicyja biełaruskich uładaŭ vyraznaja i bieskampramisnaja: Biełaruś nikoli nie budzie ŭciahnutaja ŭ čužyja vojny i kanflikty i zaŭsiody budzie abaroniena ad lubych zamachaŭ. Kab padtrymać mir i biaśpieku, pravodzicca šmatviektarnaja, miralubnaja zamiežnaja palityka, praciahvajecca raźvićcio Uzbrojenych Sił, jakija zastajucca najvažniejšym faktaram strymlivańnia ad sprob razmovy z našaj krainaj z pazicyi siły, padkreśliŭ Andrej Raŭkoŭ.
