 |
Kab źnieści 4‑paviarchovy dom spatrebiłasia niekalki sekunaŭ i 100 kilahramaŭ vybuchoŭki. Budynak zraŭniali ź ziamloj adnym klikam.
Ceły miesiac na vulicy Fabrycyjusa rychtavalisia da vybuchu. Budynak byłoha małakazavodu pabudavany z kalasalnym zapasam tryvałaści. Zvyčajnymi budaŭničymi metadami jaho nia źnieści. Demantaž z dapamohaj vybuchu dla stalicy — navina. Tym bolš, kali treba pavalić nia ŭvieś budynak, a jahonuju častku. Bieź juvelirnaj dakładnaści nie abyścisia. Ale samaje hałoŭnaje — biaśpieka. Usich žycharoŭ vakolnych damoŭ tutejšy ŭčastkovy inspektar instruktavaŭ ceły tydzień.
Bolš jak za hadzinu da vybuchu rajon znosu ačapili. Vokny vakolnych damoŭ adčynili. Tak udarnaja chvala nie paškodzić šyby. Niekalki razoŭ prateściravali cełasnaść sietak z 100 kilahramaŭ vybuchoŭki.
Častka ściany abrynułasia na vulicu Fabrycyjusa. Praduchilić heta było niemahčyma. Znosili tolki chaładzilnyja cechi, nielha było dapuścić, kab jany paškodzili astatni budynak.
Ciaham dvuch dzion razvały prybiaruć. A na miescy ŭzarvanaha domu budzie stajać biznes‑centar.
