Fota Julii Balcevič
U Biełarusi daražeje prajezd na čyhuncy — u siarednim na 33%.
Pavyšeńnie taryfaŭ praduhledžana pastanovaj Ministerstva ekanomiki № 70, jakoje było apublikavana na Nacyjanalnym pravavym internet-partale 22 śniežnia.
Padaražańnie zakranie prajezd na haradskich i rehijanalnych linijach ekanom-kłasa, na rehijanalnych linijach biznes-kłasa, mižrehijanalnych linijach, taksama pieravozku bahažu na haradskich, rehijanalnych i mižrehijanalnych linijach čyhunki.
Tak, taryf na prajezd na haradskich linijach pa adnym napramku pavysicca z 6,6 da 8,8 tysiačy rubloŭ (u miežach adnaho taryfnaha pojasa).
Stolki budzie kaštavać, da prykładu, pajezdka ad stancyi Minsk-Pasažyrski da stancyi Biełaruś, Fanipal, Haradzišča, Michanavičy abo ad stancyi Brest-Centralny da Žabinki.
Taryf na prajezd na haradskich linijach pa adnym napramku pavysicca z 7,8 da 10,4 tysiačy rubloŭ (u miežach dvuch taryfnych pajasoŭ). Pa takim košcie možna dabracca, da prykładu, ad stancyi Minsk-Pasažyrski da Rudzienska (pry prajeździe pasažyra praź Michanavičy).
Taryf na pieravozku pasažyraŭ pa dvuch napramkach źmienicca z 13,2 da 17,6 tysiačy rubloŭ (u miežach dvuch taryfnych pajasoŭ), z 14,4 da 19,2 tysiačy (u miežach troch taryfnych pajasoŭ) i z 15,6 da 20, 8 tysiačy rubloŭ (u miežach čatyroch taryfnych pajasoŭ).
Košt prajezdu ad stancyi Minsk-Pasažyrski da Nacyjanalnaha aeraporta «Minsk» zastaniecca raniejšym - 25 000 rubloŭ, ad Smalavičaŭ da aeraporta - 14 600 rubloŭ.
Na rehijanalnych linijach ekanom-kłasa taryf za adnu zonu składzie 1600 rubloŭ zamiest ciapierašnich 1200 rubloŭ, za 1 kiłamietr - 160 rubloŭ zamiest 120 rubloŭ.
Na 33% pavialičycca taryf na pieravozki pasažyraŭ u ciahnikach rehijanalnych linij biźnies-kłasa, a taksama ŭ ciahnikach mižrehijanalnych linij ekanom-i biźnies-kłasa (va ŭsich vypadkach - jak dla darosłych, tak i dla dziaciej ad 5 da 10 hadoŭ).
Taksama pavialičacca taryfy na pieravozku bahažu i hruzabahažu na haradskich, rehijanalnych i mižrehijanalnych linijach. Tak, košt dastaŭki bahažu ŭ zaležnaści ad adlehłaści i masy vyraście na 33%, a z abvieščanaj kaštoŭnaściu, jakaja spahaniajecca dadatkova da taryfaŭ na pieravozku bahažu, - ad 25 da 33%.
Pastanovu Ministerstva ekanomiki ŭstupaje ŭ siłu praz 3 dni paśla aficyjnaha apublikavańnia.
Raniej rašeńnie ab pavyšeńni koštu prajezdu na čyhuncy prymałasia ŭ sakaviku 2014 hoda. Tady ceny na kvitki ŭ siarednim vyraśli na 30%. Da hetaha košt prajezdu na čyhuncy pavyšałasia z 10 listapada 2013 hoda. Tady taryfy vyraśli na 27-50% u zaležnaści ad vyhladu čyhunačnaj linii.
