Z 1 studzienia bolšaść zamiežnych kanałaŭ, u tym liku rasijskich, syduć z Kazachstana. Papraŭki ŭ zakon pra teleradyjoviaščańnie zabaraniajuć usiu zamiežnuju rekłamu. Aŭtamatyčna, heta spyniaje dziejnaść rasijskaha telebačańnia.
Farmalna novy zakon maje abaranić unutrany rekłamny rynak. Ale ŭ vyniku rasijskija telekanały stanuć niedastupnyja ŭ kabielnych sietkach.
U najlepšym vypadku apierataraŭ abaviažuć vyrazać usie rekłamnyja błoki pry retranślacyi. Ale zamianiać ich na kazachstanskuju rełamu nie buduć, bo zakon zabaraniaje lubuju rekłamu na hetych kanałach. U vyniku zamiest rekłamnych paŭzaŭ hledačy, chutčej za ŭsio buduć hladzieć abo čorny ekran, abo zastaŭki.
Heta śmieły krok Nursułtana Nazarbajeva. 75% nasielnictva Kazachstana hladzieli rasijskija telekanały, u jakija Maskva ŭkładaje kaśmičnyja srodki.
Rasijskaje TV u vyniku pryviazvaje aŭdytoryju susiednich krain da rasijskaha ideałahičnaha i kulturnaha pola.
U 2014 hodzie tranślacyju rasijskich telekanałaŭ spyniła Ukraina. Heta dapamahło joj vystajać u hibrydnaj vajnie z Maskvoj. Mienavita praz telebačańnie ruskamoŭnych žycharoŭ krainy padbuchtorvali na bunt.
U Biełarusi ŭ kabielnych sietkach dastupnyja ŭsie rasijskija kanały, ale nie idzie nivodzin polski, ukrainski, brytanski ci amierykanski.
