U Biełarusi moža być uviedziena abaviazkovaje strachavańnie hramadzianskaj adkaznaści ŭładalnikaŭ kvater. Pra heta paviedamiŭ siońnia žurnalistam ministr žyllova-kamunalnaj haspadarki Alaksandr Cierachaŭ.
«Ciapier jość dobraachvotnaje strachavańnie jak svajoj majomaści, tak i svajoj adkaznaści pierad inšymi hramadzianami, ź jakimi pražyvaješ pa susiedstvie. Heta značyć, kali pa tvajoj vinie adbyłosia zalitaj i ty zastrachavany, to strachavaja kampanija pakryvaje vydatki», - rastłumačyŭ ministr.
Pavodle jaho słoŭ, dobraachvotnaje strachavańnie daje stanoŭčy efiekt u vyrašeńni kanfliktnych situacyj. «Tamu jaho prapanujecca raspaŭsiudzić, zrabić strachavańnie abaviazkovym. Ale hetaje pytańnie pakul nie vyrašana, jon patrabuje dadatkovaj prapracoŭki ź Ministerstvam ekanomiki i Ministerstvam finansaŭ», - kanstatavaŭ Alaksandr Cierachaŭ.
