Tym časam kanstytucyja krainy volnych mastakoŭ užo vydadziena i ŭviekaviečana na biełaruskaj movie.
Kanstytucyja |
 Znak na ŭjeździe |
1 krasavika ŭ Vilni — zusim nie Dzień durniaŭ. U hety dzień tut štohod adznačajuć Dzień niezaležnaści hetak zvanaj Respubliki Zarečča — krainy tvorčych ludziej. Sioleta 11‑ty raz. Jak i zaŭždy, na miežach respubliki byli vystaŭlenyja pasty pamiežnikaŭ, a ŭ pašparty haściej krainy stavilisia adpaviednyja štampy.
Va ŭračystym šeści z nahody śviata ŭziali udzieł i biełaruskija studenty.
Niesumnieŭnym ćvikom prahramy stała adkryćcio troch novych tablic z tekstam zaračanskaj kanstytucyi. Centralnaje miesca ŭ dadatku da litoŭskaha, francuskaha i anhlijskaha varyjantaŭ Zakonu respubliki zajmaje tekst na biełaruskaj movie. Aŭtaram pierakładu staŭ fatohraf Andranik Antanian. U interviju Racyi jon skazaŭ, što tekst pierakładu źjaviŭsia vosiem hadoŭ nazad, ale tolki sioleta znajšlisia srodki na novyja tablicy. Vyčytku Zaračanskaj kanstytucyi klasyčnym pravapisam rabili Siarhiej i Taciana Dubaŭcy.
Respublika Zarečča — heta vilenski rajon kampaktnaha pražyvańnia mastakoŭ, artystaŭ i inšych tvorčych ludziej. Jaho jašče nazyvajuć litoŭskaj Chryścijanijaj. Adzinaccać hadoŭ tamu rajon mierkavali źnieści, ale tvorcy vykupili jaho ŭ haradzkoha samakiravańnia.
Tak niekalki dziasiatkaŭ starych budynkaŭ za rakoj Vialejka stali respublikaj sa svajoj kanstytucyjaj, prezydentam, uradam, ministerstvami ŭnutranych i źniešnich spravaŭ. Andranik Antanian padkreśliŭ, što ŭ prahramie MZS Respubliki Zarečča jość punkt pra dałučeńnie da hetaj krainy Respubliki Biełaruś. Antanian paabiacaŭ, što ŭ nastupnym hodzie MZS Zarečča pasprabuje heta ździejśnić.
Kanstytucyja Zaračanskaj Respubliki
1. Čałaviek maje prava žyć pobač ź Vialejkaj, a Vialejka — ciačy kala čałavieka.
2. Čałaviek maje prava na haračuju vadu, aciapleńnie zimoju j čarapičny dach.
3. Čałaviek maje prava pamierci, ale nie abaviazany.
4. Čałaviek maje prava na pamyłki.
5. Čałaviek maje prava być adzinym i niepaŭtornym.
6. Čałaviek maje prava lubić.
7. Čałaviek moža być nialubym, ale heta nie abaviazkova.
8. Čałaviek maje prava nia być znakamitym i viadomym.
9. Čałaviek maje prava lenavacca albo ničoha nie rabić.
10. Čałaviek maje prava lubić i dahladać kotku.
11. Čałaviek maje prava rupicca pra sabaku da kanca dzion adnaho ź ich.
12. Sabaka maje prava być sabakam.
13. Kotka nie abaviazana lubić svajho haspadara, ale ŭ ciažkuju chvilinu musić pryjści jamu na dapamohu.
14. Čałaviek maje prava časam nia viedać, ci maje jon abaviazki.
15. Čałaviek maje prava sumniavacca, ale heta nie abaviazak.
16. Čałaviek maje prava być ščaślivym.
17. Čałaviek maje prava być nieščaślivym.
18. Čałaviek maje prava maŭčać.
19. Čałaviek maje prava vieryć.
20. Čałaviek nia maje prava čynić hvałt.
21. Čałaviek maje prava ŭśviedamlać svaju drabnatu i vielič.
22. Čałaviek nia maje prava kvapicca na viečnaść.
23. Čałaviek maje prava razumieć.
24. Čałaviek maje prava ničoha nie razumieć.
25. Čałaviek maje prava być roznych nacyjanalnaściaŭ.
26. Čałaviek maje prava śviatkavać abo nie śviatkavać svoj dzień naradžeńnia.
27. Čałaviek abaviazany pryhadać svajo imia.
28. Čałaviek maje prava dzialicca tym, što maje.
29. Čałaviek nia maje prava dzialicca tym, čaho nia maje.
30. Čałaviek maje prava mieć bratoŭ, siaścior i baćkoŭ.
31. Čałaviek moža być svabodnym.
32. Čałaviek adkazny za svaju svabodu.
33. Čałaviek maje prava płakać.
34. Čałaviek maje prava być niezrazumietym.
35. Nichto nia maje prava zrabić inšaha vinavatym.
36. Čałaviek maje prava być asablivym.
37. Čałaviek maje prava nia mieć anijakich pravoŭ.
38. Čałaviek maje prava nie bajacca.
Nie pieramahaj
Nie baranisia
Nie zdavajsia
Hetyja słovy dazvalajuć Zarečču admovicca ad vojska, razdać siabie ŭsim i daručyć siabie niebu.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI2
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary