Pavyšeńnie piensijnaha paroha ŭ budučym niepaźbiežna. Takuju dumku vykazała ŭ intervju BIEŁTA namieśnik premjer-ministra Biełarusi Natalla Kačanava.
«Prezident Biełarusi nieadnarazova adznačaŭ, što pavialičvać piensijny ŭzrost treba, ale pry ŭmovie, što ludzi vykažucca «za», - adznačyła vice-premjer. - Sapraŭdy, piensijny ŭzrost u nas nizki. Jon nie ŭličvaje ni ekanamičnych realij, ni tuju akaličnaść, što raście siaredniaja praciahłaść žyćcia i, adpaviedna, padaŭžajecca pieryjad atrymańnia piensii. Tak, žančyny atrymlivajuć piensiju ŭ siarednim bolš jak 25 hadoŭ. Pry hetym bolšaść ź ich, dasiahnuŭšy 55 hadoŭ, pradaŭžaje pracavać. Ja miarkuju, što da pytańnia ab pavyšeńni piensijnaha paroha ŭ budučym my pryjdziem tak ci inakš».
Jana kanstatavała, što na vypłatu piensij pracujučym piensijanieram nakiroŭvajucca vialikija finansavyja resursy. «A hetyja srodki mahli b pajści na pavieličeńnie piensij tym, chto sapraŭdy ŭžo nie moža pracavać i ŭ kaho piensija - adzinaja krynica dachodu, - skazała Natalla Kačanava. - Pa našym zakanadaŭstvie, piensija pracujučym piensijanieram abmiažoŭvajecca niaznačna. Pry hetym pamier zarpłaty, što atrymlivaje piensijanier, nie ŭpłyvaje na pamier piensii».
