Prava na pracoŭnuju piensiju pa ŭzroście, za vysłuhu hadoŭ z 1 studzienia 2016 budzie pradastaŭlacca pry najaŭnaści stažu pracy z vypłataj abaviazkovych strachavych uznosaŭ u biudžet dziaržaŭnaha pazabiudžetnaha fondu sacyjalnaj abarony nasielnictva nie mienš za 15 hadoŭ i 6 miesiacaŭ.
Pra heta havorycca va ŭkazie №534 ad 31 śniežnia 2015 hoda, jaki aficyjna apublikavany na Nacyjanalnym pravavym internet-partale.
«Pačynajučy z 1 studzienia 2017 nazvany staž pracy štohod z 1 studzienia pavialičvajecca na 6 miesiacaŭ da dasiahnieńnia 20 hadoŭ», - adznačajecca ŭ dakumiencie.
Novaŭviadzieńnie tyčycca piensij, jakija praduhledžany artykułami 11-13, 15, 24, 47 - 49-2 zakona ad 17 krasavika 1992 hoda «Ab piensijnym zabieśpiačeńni»; artykułam 54 zakona ad 14 červienia 2003 hoda «Ab dziaržaŭnaj słužbie ŭ Respublicy Biełaruś»; artykułami 32 i 33 zakona «Ab sacyjalnaj abaronie hramadzian, paciarpiełych ad katastrofy na Čarnobylskaj AES, inšych radyjacyjnych avaryj» ad 6 studzienia 2009 hoda.
Ukaz ustanaŭlivaje, što zamiežnyja hramadzianie i asoby biez hramadzianstva, jakija pracujuć u Biełarusi ci jakija źjaŭlajucca indyvidualnymi pradprymalnikami, padlahajuć abaviazkovamu dziaržaŭnamu sacyjalnamu strachavańniu na ŭmovach, ustanoŭlenych zakanadaŭstvam dla biełaruskich hramadzian.
Dakumientam taksama ahavorvajecca: «Ustanavić, što pieraraźlik pracoŭnych piensij u suviazi z rostam siaredniaj zarabotnaj płaty rabotnikaŭ u krainie ažyćciaŭlajecca na padstavie ŭkazaŭ prezidenta Respubliki Biełaruś nie radziej za adzin raz u hod u miežach srodkaŭ dziaržaŭnaha pazabiudžetnaha fondu sacyjalnaj abarony nasielnictva Respubliki Biełaruś».
Unosiacca i niekatoryja inšyja źmieny, jakija datyčacca Pałažeńnia ab vypłacie abaviazkovych strachavych uznosaŭ, uznosaŭ na prafiesijnaje piensijnaje strachavańnie i inšych płaciažoŭ u biudžet dziaržaŭnaha pazabiudžetnaha fondu sacyjalnaj abarony nasielnictva.
Kamientary