KNDR aficyjna zajaviła ab paśpiachovym vyprabavańni vadarodnaj bomby.
«Siońnia paśpiachova praviedziena pieršaje vyprabavańnie vadarodnaj zbroi», — zajaviŭ dyktar centralnaha telebačańnia KNDR. Pa jaje słovach, vałodańnie «vadarodnaj zbrojaj stała histaryčnaj padziejaj» dla Paŭnočnaj Karei. Zajavu retranślavali telekanały paŭdniovakarejskaha telebačańnia.
KNDR taksama paabiacała nie ŭžyvać jadziernuju zbroju, kali nie budzie parušany jaje suvierenitet. «Kali nie budzie parušeńnia suvierenitetu, my nie ŭžyvajem jadziernuju zbroju», — havorycca ŭ zajavie.
Za apošnija hady KNDR ažyćciaviła try jadziernyja vyprabavańni: u 2006, 2009 i 2013 hadach. U adkaz Rada Biaśpieki AAN uviała ŭ dačynieńni da Pchieńjana roznyja sankcyi.
Za apošnija dva hady respublika nie pravodziła jadziernych vyprabavańniaŭ, abmiežavaŭšysia zapuskam balistyčnych rakiet u adkaz na bujnamaštabnyja vajennyja manieŭry Paŭdniovaj Karei i ZŠA. Ab najaŭnaści ŭ KNDR ułasnaj vadarodnaj bomby zhadaŭ 10 śniežnia lidar krainy Kim Čen Yn.
«My zmahli stać vialikaj jadziernaj dziaržavaj, zdolnaj abaranić niezaležnaść i nacyjanalnuju hodnaść našaj radzimy mocaj udaraŭ jadziernych i vadarodnych bombaŭ», — zajaviŭ jon padčas naviedvańnia abnoŭlenaha zbrojnaha zavoda ŭ Pchieńjanie. Lidar KNDR taksama padkreśliŭ, što «krainie nieabchodna praciahnuć aktyŭnaje raźvićcio vajskovaj pramysłovaści».
Rada Biaśpieki AAN źbiarecca siońnia na naradu.
***
Na paŭnočnym uschodzie Paŭnočnaj Karei adbyŭsia ziemlatrus mahnitudaj 5,1, taksama paviedamlajuć ŚMI. Pavodle infarmacyi Hieałahičnaj słužby ZŠA, epicentr ziemlatrusu znachodziŭsia ŭ rajonie palihona, dzie paŭnočnakarejskija vajennyja pravodzili jadziernyja vyprabavańni. Pa dadzienych amierykanskich siejsmołahaŭ, ačah ziemlatrusu zalahaŭ na hłybini 10 kiłamietraŭ.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary