Dziaŭčyna, što pryjšła na majo miesca ŭ škołu, atrymała zarobak 130 tysiač rubloŭ. 80 tysiač treba addać na prajazny da vioski — jana žyvie ŭ horadzie. Krucisia jak chočaš. I heta treba ŭstavać a piataj ranicy, viartacca dadomu a šostaj viečara. A jašče rychtavacca da zaŭtrašnich urokaŭ i pasprabavać adpačyć. Nazaŭtra ž u škole iznoŭ buduć kapać na mazhi, što kiepska viadziecca sprava pa zaachvočvańni dziaciej da ŭstupleńnia ŭ BRSM i zusim nie arhanizoŭvajucca śviatočnyja mierapryjemstvy.
Dziaŭčyna, što pryjšła na majo miesca ŭ škołu, atrymała zarobak 130 tysiač rubloŭ. 80 tysiač treba addać na prajazny da vioski — jana žyvie ŭ horadzie. Krucisia jak chočaš. I heta treba ŭstavać a piataj ranicy, viartacca dadomu a šostaj viečara. A jašče rychtavacca da zaŭtrašnich urokaŭ i pasprabavać adpačyć. Nazaŭtra ž u škole iznoŭ buduć kapać na mazhi, što kiepska viadziecca sprava pa zaachvočvańni dziaciej da ŭstupleńnia ŭ BRSM i zusim nie arhanizoŭvajucca śviatočnyja mierapryjemstvy.
I heta ŭsio adbyvajecca ŭ toj čas, kali kožny eŭrapiejec maryć žyć, jak u Biełarusi. Prynamsi, pra toje havorać na rodnym TV.
Redaktar hazety daje zadańnie napisać pra ludziej, što admaŭlajucca płacić za kvateru. Naturalna, jość i takija, chto admaŭlajecca płacić praz pryrodnaje nachabstva, jany žyvuć u šykoŭnych kvaterach, jeździać na naviutkich mašynach, majuć svoj biznes, ale pryncypy nie dazvalajuć raźličvacca ź dziaržavaj. Niechta nia płacić praz alkahalizm. Ale pieravažnaja bolšaść nie płacić z banalnaj pryčyny — niama čym. Nasielnictva apynułasia za miažoj halečy.
Adna dziaŭčyna, z zarobku jakoj rašeńniem sudu vyličvajecca 40% u košt apłaty kvatery, emacyjna pytajecca ŭ mianie: «Jak vy dumajecie, ci možna pražyć za 67 tysiač u miesiac?» Takija zarobki na ciapličnym kambinacie.
Adnaklaśnica siastry pracuje pradavačkaj u barysaŭskim «Domie handlu». Davodzicca ceły dzień stajać na nahach za pryłaŭkam. Uznaharodžańnie ŭ kancy miesiaca składaje 120 tysiač. Navošta ž tady televizijnaja chłuśnia, kali takija zarobki paŭsiul?
Pačalisia pieršyja marazy. Handlarki vuličnych namiotaŭ usio starańniej zakutvajucca ŭ zimniuju vopratku, sprabujučy sahrecca cyharetami i kavaj. Maładziejšaja hady na dva handlarka kliča: «Pacan, zakuriť niet?» Jana maje na toje prava, bo niahledziačy na ŭzrost, našmat bolej źviedała za mianie ŭ žyćci. Ja nijakavata cisnu plačyma: «Nie palu…» I čamuści na dušy stanovicca nie kamfortna ad razumieńnia taho, što nia zmoh choć niejak dapamahčy dziaŭčynie. Doma joj daviadziecca vyrašać kudy bolš značnuju dylemu: jak pražyć ceły miesiac na 50 dalaraŭ.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary