Da rasstrełu prysudzili žychara Vilejki, jaki ŭžo byŭ asudžany na śmierć u saviecki čas
Žychar Vilejskaha rajona byŭ abvinavačany ŭ zabojstvie svajoj sužycielki.
U sudzie Vilejskaha rajona 5 studzienia vyniesieny śmiarotny prysud žycharu Vilejki, abvinavačanamu ŭ zabojstvie svajoj sužycielki. U Vilejcy adbyłosia vyjaznoje pasiadžeńnie suda Minskaj vobłaści, jaki i vynies hety prysud.
Abvinavačany raniej byŭ sudzimy za zabojstva ŭ savieckija časy. Tady jamu vynieśli śmiarotny prysud, ale paśla skarhi asudžanaha ŭ Viarchoŭny Sud, rastrelny prysud byŭ źmienieny na pazbaŭleńnie voli. Pakolki ŭ SSSR nie isnavała pažyćciovaha źniavoleńnia, termin skłaŭ nie bolš za 15 hadoŭ.
U žyćci abvinavačanaha taksama jość epizod naniasieńnia ciažkich cialesnych paškodžańniaŭ, jakija pryviali da śmierci paciarpiełaha.
U hety raz sprava razhladałasia pa druhoj častcy artykuła 139 Kryminalnaha kodeksa Respubliki Biełaruś «Zabojstva, učynienaje z asablivaj žorstkaściu».
Dziaržaŭnaje abvinavačańnie ŭ sudzie padtrymlivaŭ supracoŭnik prakuratury Minskaj vobłaści. Jon prasiŭ sud vynieści abvinavačvanamu najvyšejšuju mieru pakarańnia.
Sud pahadziŭsia ź mierkavańniem dziaržaŭnaha abvinavaŭcy. Druhaja častka artykuła 139 Kryminalnaha kodeksa Respubliki Biełaruś, punkt šosty - «Zabojstva, učynienaje z asablivaj žorstkaściu». Karajecca pazbaŭleńniem voli na termin ad 8 da 25 hadoŭ abo pažyćciovym źniavoleńniem, abo śmiarotnym pakarańniem.
Prysud pakul nie ŭstupiŭ u zakonnuju siłu i moža być abskardžany ŭ Viarchoŭny sud Respubliki Biełaruś.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ2
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary