Kandrusievič zaklikaje sučasny śviet viarnucca da tradycyjnych chryścijanskich kaštoŭnaściaŭ
Mitrapalit Minska-Mahiloŭskaj archidyjacezii Rymska-katalickaj carkvy arcybiskup Tadevuš Kandrusievič zaklikaŭ sučasny śviet viarnucca da tradycyjnych chryścijanskich kaštoŭnaściaŭ. Ijerarch siońnia ŭziaŭ udzieł u kaladnym viečary ŭ Instytucie teałohii BDU.
«Hałoŭnaja zadača carkvy — novy etap vyvučeńnia Jevanhiella, pošuk sposabaŭ niasieńnia jaho śviatła ludziam. My bačym, što sučasny śviet admaŭlajecca ad tradycyjnych chryścijanskich kaštoŭnaściaŭ. Kultura pavinna być, u pieršuju čarhu, duchoŭnaja, a mienavita aduchaŭleńniem kultury i zajmajecca carkva, kab chryścijanskija kaštoŭnaści viarnulisia ŭ naša žyćcio», — skazaŭ mitrapalit Tadevuš Kandrusievič.
Mitrapalit Minski i Zasłaŭski Pavieł, Patryjaršy Ekzarch usiaje Biełarusi ŭ svaju čarhu adznačyŭ, što faktyčna kaladnyja śviaty ŭžo prajšli, adnak ich śviatkavańnie nie pavinna i nie moža być abmiežavana vuzkimi ramkami, bo jano źviartaje ŭvahu na ŭnutrany śviet čałavieka, vysakarodnyja ideały humanizmu, prymušaje zadumacca pra sens žyćcia.
Na viečarynie byli ŭručanyja kaladnyja premii dvum naminantam, jakija asabliva papracavali na nivie duchoŭnaj aśviety: ad śviataroŭ uznaharodžany protaijerej Pavieł Siardziuk, nastajaciel prychoda chrama Śviaciciela Mikałaja Japonskaha ŭ Minsku; ad śvieckich — Alona Vysockaja, mastacki kiraŭnik moładzievaha choru «Visson'».
Kamientary