U zachodniehiermanskim horadzie Bornchajm, raźmieščanym kala Kiolna, mihrantam-mužčynam zabaranili zachodzić u adzin ź miascovych hramadskich basiejnaŭ.
Basiejn raźmieščany pa susiedstvie z centram pryjomu mihrantaŭ, i ŭ apošni čas ad jaho klijentak pačali pastupać skarhi na seksualnyja damahańni z boku pryjezdžych.
Zabarona zychodzić ad urada horada. Jak rastłumačyŭ jaho pradstaŭnik Markus Šnapka, u kryminalna karalnych dziejańniach mihrantaŭ pakul nie abvinavačvali. Zabarona na ŭvachod u basiejn budzie źniataja, kali pryjezdžyja źmieniać svaje pavodziny, skazaŭ Šnapka.
U Hiermanii praciahvajecca rasśledavańnie sotniaŭ napadaŭ na seksualnaj hlebie, učynienych u navahodniuju noč.
Ministr unutranych spraŭ fiederalnaj ziamli Paŭnočny Rejn-Viestfalija Ralf Jehier, adkazny za rasśledavańnie, zajaviŭ, što praktyčna ŭsie padazravanyja ŭ ich ździajśnieńni — vychadcy z Paŭnočnaj Afryki i arabskich krain.
Usiaho ŭ palicyju było padadziena 652 zajavy, ź ich 331 tyčycca napadaŭ na seksualnaj hlebie, u dvuch vypadkach havorka idzie pra zhvałtavańnie.
U čaćvier prakuratura Kiolna abviaściła ŭznaharodu ŭ 10 000 jeŭra za lubuju infarmacyju, jakaja pryviadzie da apaznańnia abo zatrymańnia vinavatych.
Kiraŭnictva miascovych unutranych orhanaŭ, uklučajučy samoha ministra ŭnutranych spraŭ Ralfa Jehiera, akazałasia pad vializnym palityčnym ciskam. U piatnicu Jejehier byŭ vymušany adpravić u adstaŭku kiraŭnika kiolnskaj palicyi Volfhanha Albiersa.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary