Falšyvyja dalary z pryklejenymi nulami sprabavali zdać u abmieńnik ŭ Viciebsku FOTA
Nočču 2 studzienia chłopiec sprabavaŭ zdać u abmienny punkt na čyhunačnym vakzale ŭ Viciebsku padroblenuju banknotu naminałam 50 dalaraŭ ZŠA.
Jana była vyrablena ź piacidalaravaj kupiury, na jakuju dakleili ličbu «50» i nadpis «FIFTY DOLLARS». U toj ža čas na kupiury zastavaŭsia partret Linkalna zamiest nieabchodnaha Hranta.

Raspaznaŭšy padrobku, kasir vyklikała milicyju. Supracoŭniki adździeła ŭnutranych spraŭ na transparcie zatrymali 22-hadovaha chłopca, jaki sprabavaŭ abmianiać falšyŭku.
Zatrymany śćviardžaje, što hetaj banknotaj jamu viarnuli častku doŭhu i pra toje, što kupiura falšyvaja jon nie padazravaŭ. Raspačata kryminalnaja sprava pa častcy 1 artykuła 221 KK (vyrab abo zachoŭvańnie z metaj zbytu padroblenaj aficyjnaj hrašovaj adzinki).
Vyjaŭlenaja falšyŭka ŭjaŭlaje saboj sapraŭdny rarytet, pakolki taki sposab falsifikacyi isnavaŭ u 90-ja, a ŭ XXI stahodździ falšyvamanietčyki ŭ asnoŭnym vykarystoŭvajuć sučasnuju kampjutarnuju techniku, paviedamlajecca ŭ pres-relizie UUS Viciebskaha abłvykankama.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Kamientary