Francuzskaja aŭtamabilebudaŭničaja hrupa Renault adklikaje 15 800 krasovieraŭ Captur dla zamieny filtraŭ ačystki vykidaŭ.
Pra heta paviedamlajuć francuzskija ŚMI sa spasyłkaj na intervju ministra ekałohii Siehalen Ruajal radyjo RTL.
U vyniku pravierak vyśvietliłasia, što ruchaviki niekatorych madelaŭ kampanii Renault, uklučajučy Captur i Espace 5, nie adpaviadajuć ustanoŭlenym hraničnym normam utrymańnia škodnych rečyvaŭ. U pryvatnaści, havorka idzie pra 110-siłavy dyzielny ruchavik krasoviera Captur.
Pa słovach Siehalen Ruajal, Renault adklikaje mašyny, jakija jašče nie byli pradadzienyja. Sistema filtracyi, adznačyła jana, pierastaje pracavać pry «vielmi vysokaj tempieratury i tady, kali tempieratura apuskajecca nižej za 17 hradusaŭ Celsija».
Francuzski ŭrad, jaki vałodaje 20% akcyj Renault, paśla letašniaha skandału z Volkswagen stvaryŭ kamisiju pa praviercy adpaviednaści ŭzroŭniaŭ vykidaŭ aŭtamabilnych ruchavikoŭ ustalavanym normam.
Kamisija nie znajšła na francuzskich mašynach «žulnickaha» prahramnaha zabieśpiačeńnia.
Kiraŭnictva Renault abviaściła, što 700 tysiač uładalnikaŭ zmohuć pa žadańni pravieryć PA sistemy filtracyi svaich mašyn letam 2016 hoda.
Francuzskija ŭłady pravodziać taksama rasśledavańnie ŭ dačynieńni da aŭtamabilaŭ Mercedes i Ford.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary