Premjer-ministr Abchazii Artur Mikvabija zaćvierdziŭ śpis tureckich praduktaŭ, uvoz jakich na terytoryju samaabvieščanaj respubliki budzie zabaronieny.
U pieraliku, apublikavanym na sajcie ŭrada Abchazii, prysutničajuć usie vidy ryby (u tym liku file), bulba, tamaty, cybula, kapusta, ahurki, cytrusavyja, vinahrad, dyni, a taksama jabłyki, hrušy, ślivy, čarešnia i piersiki.
Zabarona na ŭvoz hetych tavaraŭ ŭstupić u siłu z 1 sakavika 2016 hoda. Pry hetym asobna adznačajecca, što abmiežavańni nie buduć raspaŭsiudžvacca na pradukty, jakija ŭvoziacca ŭ Abchaziju dla asabistaha karystańnia.
Adnačasova Mikvabija zaćvierdziŭ zabaronu na pracu na terytoryi Abchazii niekamiercyjnych arhanizacyj, padkantrolnych Turcyi.
Taksama tureckim kampanijam zabaroniena atrymlivać padtrymku ŭ ramkach inviestycyjnaj prahramy sacyjalna-ekanamičnaha raźvićcia Abchazii. Raniej respublika taksama admoviłasia ad arendy tureckich siejnieraŭ.
Pryncypovaje rašeńnie ŭvieści ŭ dačynieńni da Turcyi sankcyi, anałahičnyja rasijskim, było pryniataje ŭradam Abchazii ŭ pačatku studzienia paśla taho, jak jaje naviedaŭ pamočnik prezidenta Rasii Uładzisłaŭ Surkoŭ.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia27
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary