 |
U kampanii adznačyli, što rašeńnie pra pačatak kamiercyjnaj ekspłuatacyi vyklikanaje rostam popytu. Tak, najbolšaja kolkaść padklučeńniaŭ pa krainie składaje 200 i štotydzień pavialičvajecca na 20‑40. Ciapier biazdrotavy dostup u Internet dajecca na niekamiercyjnaj asnovie, u režymie doślednaj ekspłuatacyi. Ciapier u krainie pracuje 115 punktaŭ Wi‑Fi‑dostupu, u tym liku 77 punktaŭ na 46 abjektach ‑‑ u Minsku.
«Raźvićcio Wi‑Fi u rajcentrach pačniecca tolki razam z kamiercyjnaj ekspłuatacyjaj, bo patrebnyja surjoznyja inviestycyi», — skazali ŭ «Biełtelekamie», dadaŭšy, što kampanija źviarnułasia ŭ siertyfikacyjnyja orhany pa dazvoł na stvareńnie punktaŭ dostupu ŭ rajcentrach.
U paniadziełak «Biełtelekam» adnaviŭ pracu ŭsich punktaŭ Wi‑Fi u Minsku i padłučyŭ 5 novych ‑‑ u Biełaruskim dziaržaŭnym univiersitecie kultury i mastactva, u kłubie «Čykaha», a taksama ŭ servisnych centrach kampanii.
Technałohija Wi‑Fi (Wireless Fidelity) — sučasnaja biazdrotavaja technałohija abjadnańnia kampjutaraŭ u sietku ci padłučeńnia ich da Internetu praz vykarystańnie vysokačastotnych radyjochvalaŭ.
«Biełtelekam» pačaŭ ekspłuatacyju Wi‑Fi u lipieni 2007 h. ŭ Minsku, a da kanca 2007‑ha — i ŭ abłasnych haradach.
