Pa mienšaj miery 63 čałavieki, uklučajučy 9 dziaciej, zahinuli ŭ vyniku udaraŭ z pavietra, jakija, jak miarkujecca, naniesła rasiejskaja avijacyja na ŭschodzie Siryi.
Pra heta paviedamlaje Reuters sa spasyłkaj na infarmacyju Siryjskaj naziralnaj rady pa pravach čałavieka..
Rejdy na pasialeńnie Chašam niedaloka ad horada Dejr al-Zor u subotu byli siarod sieryi udaraŭ, ad jakich taksama paciarpieli dva inšyja harady za apošnija 48 hadzin i dzie zahinuli dziasiatki ludziej.
Rasiejskija samaloty ažyćciaŭlali bambardziroŭki ŭ vakolicach Dejr al-Zora padčas sutyknieńnia siryjskich praŭradavych sił z bajevikami «Isłamskaj dziaržavy», jakija kantralujuć bolšuju častku pravincyi.
Vajennyja samaloty taksama nanieśli ŭdary pa horadzie Raka, jaki faktyčna źjaŭlajecca stalicaj ID. U horadzie, pavodle dadzienych pravaabaroncaŭ, zahinuli pa mienšaj miery 44 čałavieki.
