Prezident ZŠA Barak Abama adčuvaje «niekatoruju nastalhiju» pa časach svajoj pieršaj pieradvybarnaj prezidenckaj kampanii, ale nie ŭmiešvajecca ŭ spravy adnapartyjcaŭ-demakrataŭ, jakija ŭstupili ŭ baraćbu za prava zaniać jaho miesca ŭ Biełym domie, i nie hladzić pieradvybarčyja debaty ŭ šerahach respublikanskaj apazicyi.
Jon raspavioŭ pra heta ŭ intervju haziecie Politico, jakoje apublikavana napiaredadni schodaŭ partyjnaha aktyvu pa vyłučeńni kandydataŭ u prezidenty ŭ štacie Ajova.
U hetym hodzie jany pravodziacca 1 lutaha. Pa tradycyi ź ich pačynajecca hałasavańnie ŭ ramkach ŭnutrypartyjnaha adboračnaha etapu prezidenckaha marafonu ŭ ZŠA. Jak i vosiem hadoŭ tamu, favarytam hetaha etapu ŭ demakrataŭ źjaŭlajecca byłaja «pieršaja łedzi» krainy Chiłary Klintan. Tady mienavita ŭ Ajovie małady i paraŭnalna małaviadomy ŭ krainie sienatar Abama atrymaŭ pieršuju ź sieryi pieramoh, jakija pryviali jaho ŭ kančatkovym rachunku ŭ Bieły dom. Ciapier razmova taksama išła ŭ asnoŭnym pra Klintan, choć dziejučy kiraŭnik amierykanskaj dziaržavy padkreśliŭ, što dla jaho ŭ kančatkovym vyniku «pryjarytet numar adzin — kab jaho źmianiŭ prezident-demakrat».
I na pramoje pytańnie, «nakolki vialikaje było b jaho zadavalnieńnie, kali b pieršaha prezidenta-afraamierykanca źmianiła pieršaja žančyna-prezident», jon adkazaŭ u ahulnym płanie.
«Ja ŭvohule chaču, kab u našaj palitycy było bolš žančyn i kab maje dočki adčuvali, što dla ich niama ničoha niemahčymaha», - skazaŭ haspadar Biełaha doma. Zrešty, asabista pra Klintan jon taksama adhukaŭsia samym kamplimientarnym čynam.
«Jana ŭ stanie kiravać (krainaj), pačynajučy ź pieršaha dnia, — zajaviŭ Abama. — U jaje bolš vopytu, čym u luboha inšaha čałavieka, kali-niebudź jak pretendenta na hetaje kresła, nie budučy vice-prezidentam».
Ciapier čytajuć
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»3
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary