U 2015 hodzie ŭ Biełarusi zarehistravali 17660 ramieśnikaŭ, paviedamlaje Minekanomiki. Amal pałova ź ich — 8883 čałavieki — aficyjna stali «majstrami» u kastryčniku-śniežni minułaha hoda.
Za minuły hod ramieśnikaŭ stała ŭ dva razy bolš. Tak, pavodle dadzienych Minekanomiki, u 2014 hodzie zbor za ramiesnuju dziejnaść płacili 8776 biełarusaŭ, u 2013 hodzie — 8083.
«U kožnym z rehijonaŭ našaj krainy kolkaść ramieśnikaŭ pavialičyłasia ŭdvaja i skłała bolš za dźvie tysiačy čałaviek, za vyklučeńniem Mahiloŭskaj vobłaści», — udakładniajuć u Minekanomiki.
Bolš za ŭsio ramieśnikaŭ letaś zarehistravałasia ŭ Minsku — 4305 čałaviek, a mienš za ŭsio — u Mahiloŭskaj vobłaści (1838 čałaviek).
Za apošnija piać hadoŭ kolkaść biełarusaŭ, jakija zajmajucca ramiesnaj dziejnaściu, vyrasła bolš čym u try razy, adznačajuć u Minekanomiki.
Pavodle zakonu, ramieśniki ŭnosiać u biudžet pa adnoj bazavaj vieličyni ŭ hod (ciapier — 210 tysiač rubloŭ). U 2015 hodzie prapanoŭvałasia padniać zbor da čatyroch bazavych vieličyń, adnak u vyniku hetaja norma nie ŭvajšła ŭ Padatkovy kodeks.
Nahadajem, što ramieśniki vyzvalenyja ad vypłaty zboru na darmajedstva, jaki składaje 20 bazavych vieličyń u hod. Praŭda, kab nie płacić hety zbor za minuły hod, «majstram» treba było stać da 1 studzienia 2015 hoda.
