Urad Polščy abviaściŭ pra namier na praciahu niekalkich tydniaŭ pradstavić zakonaprajekt, jaki pavinien dazvolić viarnucca ŭ krainu ŭsim palakam, chto byŭ departavany z uschodnich rajonaŭ u Sibir, Kazachstan i azijackija respubliki byłoha SSSR.
«Usie naščadki pryhniečanych zmohuć viarnucca ŭ Polšču», — pryvodzić Polskie Radio słovy ŭpaŭnavažanaha pradstaŭnika pry premjer-ministry pa mižnarodnym supracoŭnictvie Hanny Maryi Anders.
newsweek.pl
Miarkujecca, što novy zakon, jaki pavinien nabyć moc u druhoj pałovie hoda, zakranie 10 tysiač čałaviek. Jak miarkujecca, u Polšču pierajeduć represavanyja palaki, ich naščadki i žonki, jakija apynulisia ŭ azijackaj častcy byłoha Savieckaha Sajuza.
Padrabiaznaści pra zakonaprajekt stanuć viadomyja paźniej. Pakul ža paviedamlajecca, što ŭrad Polščy čakaje dvuchbakovaj repatryjacyi. Naščadki represavanych palakaŭ zmohuć raźličvać na značnuju padtrymku z boku radzimy — u tym liku apłatu arendy žylla, moŭnyja kursy i roznyja reabilitacyjnyja mierapryjemstvy.
Kožny, chto vyrašyć viarnucca ŭ Polšču, u pieršyja šeść miesiacaŭ budzie atrymlivać pa 600 złotych (kala 145 dalaraŭ) u jakaści padtrymki, a taksama 4000 złotych (prykładna 1000 dalaraŭ) adnarazovaj vypłaty dla arendy žylla, kaža krynica «Rečy Paspalitaj». U asobnych vypadkach sumy vypłat mohuć być pavialičanyja.
Praca nad dakumientam ŭžo nabližajecca da zaviaršeńnia, paćvierdziŭ ŚMI kiraŭnik pastajannaj kamisii polskaha ŭrada Hienryk Kavalčyk.
Jak nahadvaje polski Newsweek, kab źmianić dziejučuju praceduru repatryjacyi, uradu nieabchodna dać finansavaje abhruntavańnie, damahčysia pryniaćcia zakona, a zatym zaćviardžeńnia i padpisańnia prezidentam. Na dumku vydańnia, novyja hramadzianie Polščy buduć mieć patrebu ŭ padtrymcy na praciahu troch hadoŭ paśla prybyćcia ŭ krainu. Pry hetym u palitykaŭ, jakaja kamientavali inicyjatyvu, vyklikaje zakłapočanaść efiektyŭnaść vydatkavańnia pryznačanych dla repatryjacyi srodkaŭ.
Jak raniej paviedamlała «Reč Paspalitaja», pieršy zakon ab repatryjacyi byŭ pryniaty ŭ Polščy ŭ 2000 hodzie, adnak jon nie apraŭdaŭ čakańni zakanadaŭcaŭ. Naprykład, z 2009 pa 2013 hod u krainu pierabralisia mienš za tysiaču čałaviek. Ciapier miarkujecca pierakłaści ciažar uładkavańnia novych hramadzian ź miascovaha samakiravańnia na dziaržaŭny biudžet.
Nahadajem, vysyłka palakaŭ na Uschod adbyvałasia niekalkimi chvalami. Tak, naprykład, u Jenisiejskaj hubierni asieli sałdaty polskaj 5-j strałkovaj dyvizii, jakaja skłała zbroju ŭ 1920 hodzie.
U vieraśni ŭ 1939 hodzie savieckija vojski ŭvajšli va ŭschodnija vobłaści Polskaj respubliki. Terytoryi Uschodniaj Polščy ŭtvaryli zachodnija rajony Biełaruskaj SSR (Vilejski, Baranavicki, Biełastocki, Brescki, Pinski) i Ukrainskaj SSR (Vałynski, Rovienski, Lvoŭski, Drahabyčski, Stanisłaŭski, Tarnopalski), častka adyšła da Litoŭskaj SSSR. A ŭ 1940-1941 hadach pačałasia masavaja departacyja polskich hramadzian.
Pavodle dadzienych lublinskaha filijała «Sajuza sibirakoŭ», jaki abjadnoŭvaje byłych ssylnych, u hady Druhoj suśvietnaj vajny savieckija ŭłady vyvieźli ŭ Sibir, Kazachstan i inšyja rehijony kala 1 350 000 palakaŭ, mnohija ź jakich pamierli ŭdalečyni ad radzimy. Taksama represavanyja byli členy siemjaŭ polskich aficeraŭ, rasstralanych u Katyni, adznačaje «Radyjo Polšča». Pry hetym savieckija krynicy kažuć, što represii ŭ 1939—1941 hadach zakranuli 500 tysiač polskich hramadzian, ź jakich departavana było 320 tysiač.
