Supracoŭniki mietrapalitena mantujuć infarmacyjny stend na stancyi «Uručča».
Na novyja schiemy dadadzienyja klučavyja abjekty — mikrarajony, haradskaja čyhunka, asnoŭnyja linii naziemnaha transpartu, prylehłyja da mietro, pa jakich možna dajechać da mikrarajonaŭ. Ich ŭmoŭnyja abaznačeńni taksama naniesienyja na schiemu. Ciapier pasažyr bačyć, ź jakoj stancyi ź jakimi pierasadkami možna dabracca ŭ centr, mikrarajony, na vakzały. Pa-druhoje, źmienieny dyzajn, strukturavanyja kolery, a zamiest viertykalnych nazvaŭ stancyj, niazručnych dla čytańnia, zrabili nadpisy pad kutom 45°.
Taksama na schiemy naniesienaja i inšaja važnaja infarmacyja: abjekty servisu, elektronnyja spasyłki na raskład ruchu transpartu, režym pracy i telefony roznych słužbaŭ mietro. Raźmiaščeńnie schiem dyktujecca realnym ci prahnazavanym patokam pasažyraŭ, — tłumačać u BAES.
Na novych schiemach mietrapalitena taksama źjaviacca i abaznačeńni vychadaŭ ź mietro, kab minaki nie błytalisia, da jakoha vychadu treba iści.
Poŭnaja viersija abnoŭlenaj schiemy minskaha mietro.
