Hety pomnik biełaruskaha dojlidstva 3-j katehoryi zachavaŭsia ŭ centry horada, za trysta mietraŭ ad harvykankama, u zavułku Kamisaryjackim, 17. Kaliści damy takoha typu składali typovuju žyllovuju zabudovu našych haradoŭ.
Ciaham apošnich dvuch hadoŭ mahiloŭskuju hramadskaść turbavała pytańnie pra los hetaha pomnika, stan jakoha blizki da avaryjnaha. Haradskija ŭłady paabiacali sadziejničać pieradačy pomnika architektury ŭ karystańnie Tavarystva. Jano płanuje raźmiaścić tut ofis, mahčyma, muziej i karcinnuju halereju, raspavioŭ BiełaPANu Aleś Asipcoŭ.
Apošnija žychary hetaha doma, jakich ciapier vysialajuć u novyja kvatery, upeŭnienyja, što dom pojdzie pad znos, bo pobač užo raźviarnułasia budaŭničaja placoŭka. U harvykankamie hetuju infarmacyju abvierhli, a nakont źnikłaj z doma achoŭnaj šyldački, zapeŭnili, što jana budzie adnoŭlenaja.
