2 lutaha a 19-j hadzinie ŭ kniharni «Halijafy» ŭ Trajeckim pradmieści (vuł. Staravilenskaja,6) adbudziecca doŭhačakanaja prezientacyja elektronnych zbornikaŭ vieršaŭ dvuch maładych paetak – Kaciaryny Mase i Kaciaryny Vadanosavaj.
Hetyja dźvie knihi abjadnoŭvajuć niekalki rečaŭ: elektronny farmat zbornikaŭ, što ŭžo niezvyčajna dla biełaruskaj knihavydavieckaj spravy, dla aŭtaraŭ jany źjaŭlajucca debiutnymi i vyjšli adnačasova pad šyldaj novaha prajekta «Elektronnaja biblijatečka časopisa «Vierasień».
Źmiest kožnaj knihi całkam admietny. Kali dla tvorčaści Kaciaryny Vadanosavaj ułaścivyja ramantyčnyja nastroi, natchnionyja epochaj Siaredniaviečča i hieraičnymi časami z tvoraŭ «fentezi», to vieršy Kaciaryny Mase hučać jak sucelnaja aŭtarskaja refleksija, nakiravanaja na vyvučeńnie ŭnutranaha śvietu i pošuki svajho miesca ŭ niespakojnym śviecie. Vy zmožacie pačuć cudoŭnyja, žyvyja vieršy ad aŭtaraŭ – nie prapuścicie takoj mahčymaści!
Nou-chau mierapryjemstva ŭ «Halijafach» stanie premjerny pakaz buktrejleraŭ, jakija admysłova byli źniatyja z nahody vychadu paetyčnych zbornikaŭ. Akramia taho, haściej čakaje muzyčnaja impreza z udziełam barda Eduarda Akulina i hurtu Kaciaryny Vadanosavaj.
Prychodźcie a 19-aj hadzinie ŭ aŭtorak, budzie cikava!
A knihi možna nabyć na knižnych płatformach Smashwords.com, Barnes&Noble, Kobobooks, a z aŭtorka – praz partał kniharnia.by.
