Internet nieabchodna źviarnuć na słužbu hramadstvu. Takoje mierkavańnie vykazaŭ hałoŭny redaktar haziety «SB. Biełaruś siehodnia» Pavieł Jakubovič na kalehii.
BiełTA
«Samyja vostryja pytańni ŭ śfiery srodkaŭ masavaj infarmacyi - heta internet. Internet stanovicca adnym z samych bujnych i efiektyŭnych ryčahoŭ uździejańnia na hramadskuju dumku, jaje farmiravańnie. Internet źjaŭlajecca i mabilizacyjnym faktaram, ale ŭ mnohim jašče i raskołvaje hramadstva, sieje bieskulturje, cynizm u peŭnym sensie», — adznačyŭ Pavieł Jakubovič.
Heta prablema nie tolki Biełarusi, ale i inšych krain, Ukrainy, Rasii i Jeŭropy, padkreśliŭ Pavieł Jakubovič. «Budzie niapravilna, kali my nie ŭdaskanalim zakon ab ŚMI ŭ hetaj častcy. Treba, kab internet staŭ mahutnym ryčahom, dzie ludzi mohuć vykazać svaju dumku. Ale pry hetym važna, kab heta nie pierachodziła ŭ kanfrantacyjnyja schvatki ŭ hramadstvie», — skazaŭ Pavieł Jakubovič.
Pavieł Jakubovič zrabiŭ zaŭvahu ŭ adras rehijanalnych ŚMI, jakija niedastatkova aktyŭnyja i inicyjatyŭnyja sa svaimi prapanovami dla partała BELSMI. BY.
Jon taksama zakranuŭ pytańnie kadraŭ, adznačyŭšy, što siońnia nazirajecca adsutnaść žurnalistaŭ siaredniaha ŭzrostu. U vyniku rabota pierakładvajecca na plečy maładych aŭtaraŭ, što daloka nie zaŭsiody daje mahčymaść atrymać hodnyja materyjały.