Šmatprofilny park, u jakim mahli b praktykavacca pradstaŭniki roznych strytavych napramkaŭ, płanujecca adkryć u Minsku da kanca leta, paviedamiŭ žurnalistam staršynia Minharvykankama Andrej Šorac.
Takim čynam haradskija ŭłady padtrymali inicyjatyvu stvaralnika i kiraŭnika maładziožnaha centra vuličnaj kultury i sportu «ProKač». «Pačata ŭžo prajektavańnie abjekta. Dumaju, da kanca leta centr budzie pabudavany», — skazaŭ Andrej Šorac.
Zadańniem na prajektavańnie na vulicy Staletava praduhledžana budaŭnictva placoŭki dla zaniatkaŭ varkaŭtam, parkur-haradka, skiejt-parku, dziciačych placovak z abstalavańniem dla fizičnaha raźvićcia. Taksama płanujecca ŭładkavać placoŭki dla zaniatkaŭ ludziej z abmiežavanymi mahčymaściami, dla mini-futboła, strytboła, brejk-dansa.
«Chaciełasia, kab usie ekstremały źbiralisia ŭ hetym parku. Tam jany zmohuć udaskanalić svajo majsterstva. Darečy, na papiery centr namalavali maładyja ludzi, jakija inicyiravali jaho stvareńnie. Jany ž buduć sačyć za paradkam u im», — dadaŭ Andrej Šorac.
Srodki na finansavańnie budaŭnictva centra vydzielać z haradskoha biudžetu.