Siońnia ŭnačy prajšoŭ pieršy matč pieršaha raŭndu Kubku Stenli pamiž "Manrealem i "Bostanam". Klub z Kvebeku pieramoh ź likam 4:1 (pa peryjadach: 2:1, 1:0, 1:0).
Siarhiej Kaścicyn adkryŭ lik užo na 35-j sekundzie, a druhuju šajbu ŭ matčy zakinuŭ jahony brat Andrej, zrabiŭ hetaj jon na samym pačatku 3-j chviliny.
Hulni ŭ seryjach Kubku Stenli prachodziać da čatyroch pieramohaŭ adnoj z kamand. Nastupnaja hulnia "Manreala" i "Bostana" – 12 krasavika. Matčy na ŭschodnim uźbiarežžy pačynajucca, kali ŭ Miensku druhaja hadzina nočy nastupnaha dnia.
Nahadajem, što ŭčora ŭdačna startavaŭ u rozyhryšy Kubku Stenli "Kałarada Evełanš", dzie hulaje biełaruski abaronca Rusłan Salej. "Łaviny" pieramahli "Minesotu Uajłd" – 3:2. Druhi matč "Kałarada" praviadzie siońnia.
***
Inšyja matčy siońniašniaha dnia:
"Detrojt" – "Nešvił" – 3:1, "Anachajm" – "Dałas" – 0:4.
Praviali ŭžo druhuju hulniu "San Chase Šarks" i "Kałhary Fłejmz". "Akuły" hetym razam zraŭniali lik u seryi, vyjhraŭšy 2:0. Lik u seryi staŭ 1:1.
