Francuzskija žurnalisty aburanyja antyŭkrainskaj falšyŭkaj na Canal+
Francuzskija žurnalisty, jakija pracujuć va Ukrainie, apublikavali adkryty list, u jakim vykazali svajo abureńnie z nahody tranślacyi telekanałam Canal+ prapahandysckaha filma adnosna padziejaŭ va Ukrainie.
List apublikavany na sajcie Teleobs i padpisany 17 žurnalistami.
«My žurnalisty, jakija rehularna pracujuć va Ukrainie. Niekatoryja z nas źjaŭlajucca stałymi karespandentami ŭ Kijevie i rehijonach, inšyja rehularna byvajuć va Ukrainie», — adznačajuć jany ŭ pačatku lista.
«1 lutaha my byli šakavanyja dakumientalnym filmam Pola Marejry «Ukraina — maski revalucyi», jaki vyjšaŭ u efiry kanała Canal+. Nie arhumientami, jakija vykarystoŭvalisia ŭ filmie. My pišam i analizujem krajnich pravych va Ukrainie ŭžo daŭno», — adznačajuć jany.
Pa słovach žurnalistaŭ, jany «adčuli dyskamfort» ad błytaniny faktaŭ u filmie, niepravieranaj infarmacyi i manipulacyj.
«Jak možna ihnaravać niedatavanaje YouTube videa maršu nacyjanalistaŭ u Kijevie, jaki prajšoŭ paśla Majdanu i padadzieny jak adzin z epizodaŭ revalucyi?» — aburajucca žurnalisty.
Akramia taho, na ich dumku, u filmie režysior absalutna niekarektna adlustravaŭ supraćstajańnie pamiž ukrainska- i rasiejskamoŭnymi ukraincami.
Taksama, jak padkreślivajecca ŭ liście, aŭtar stužki śćviardžaje, što «paśla revalucyi nasielnictva Kryma pieravažnaj bolšaściu prahałasavała na refierendumie na karyść Rasii», adnak nie padaje kantekst, u jakim pravodziłasia hałasavańnie, a mienavita sistematyčnaje razhortvańnie rasiejskich vajennych sił na paŭvostravie.
Taksama žurnalisty admaŭlajuć, što padziei 2 maja ŭ Adesie nie aśviatlalisia suśvietnymi ŚMI, jak heta padaje ŭ filmie Marejry.
Film Pola Marejry, jaki raspaviadaŭ pra padziei va Ukrainie 2013-2014 hadoŭ, vyjšaŭ na telekanale Canal+ 1 lutaha ŭ 22:30 pa miascovym časie.
Film źniaty ŭ duchu rasijskaj prapahandy i zaklikany raspavieści ab «ekstremisckich nacyjanalistyčnych bataljonach va Ukrainie, jakija stali pahrozaj dla ŭrada», a taksama ab «kryvavaj bojni ŭ Adesie».
Pieršapačatkova pra prapahandysckuju stužku stała viadoma z-za artykuła ŭ Le Monde, dzie jaje taksama žorstka raskrytykavali.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary