Deputaty parłamienta Sierbii prahałasavali za zvalnieńnie ministra abarony Bracisłava Hašyča z-za frazy ŭ adras žurnalistki, jakuju rascanili jak niepavahu da ŚMI, paviedamlaje Reuters.
Bracisłaŭ Hašyč, fota senica.ru
U śniežni minułaha hoda Hašyč u čas razmovy z presaj zaŭvažyŭ, što žurnalistka stała na kalena, kab nie zakryvać ministra ŭ kadry apierataram z telebačańnia, i skazaŭ: «Mnie padabajucca žurnalisty, jakija tak chutka stanoviacca na kaleni».
Žurnalisty i palityki asudzili kamientar Hašyča, a premjer-ministr Alaksandar Vučyč skazaŭ, što jon budzie zvolnieny.
«Ja prašu vas padtrymać rašeńnie (zvolnić Hašyča) z-za vietlivaści, maralnych prystojnaściaŭ i pavahi, jakuju my ŭsie pavinny pakazać dla inšych», — skazaŭ Vučyč.
U 250-miesnym parłamiencie 195 deputataŭ prahałasavali za zvalnieńnie ministra.
