Minskija taksisty 6 lutaha praviali stychijny schod kiroŭcaŭ usich dyśpietčarskich słužbaŭ stalicy. Na arhanizavanaj na Dałhinaŭskim trakcie parkoŭcy nie było chiba mašyn taksi «Piatnica»: kiroŭcy hetaj słužby pracujuć za fiksavany zarobak. Astatnija abmiarkoŭvali, jak pracavać dalej va ŭmovach žorstkaj kankurencyi i nizkich taryfaŭ, piša TUT.by.
Prychod na rynak novaha biudžetnaha siervisu taksi Uber X staŭ dla ich «apošniaj kroplaj». Jak tłumačać sami taksisty, jany pavinny płacić padatki, pavyšanuju strachoŭku, darožny zbor dvojčy na hod, abanienckuju płatu dyśpietčaram słužby, a taksama nieści šerah inšych vydatkaŭ. Uber volny ad takoha finansavaha ciažaru i tamu moža źbivać košty.
U cełym kiroŭcy taksovak razumiejuć, što prychod Uber vyhadny klijentu i hety siervis usio adno nie vycieśnić tradycyjnuju taksoŭku z vulicy. Ale ž pry hetym jany narakajuć, što dziaržava «vyciskaje ź ich usie soki, štrafuje, karaje i ničoha nie daje naŭzamien».
Apošnim razam taryfy na prajezd u taksoŭcy pavyšalisia, kali dołar kaštavaŭ 8 tysiač rubloŭ. Ciapier jany praciahvajuć jeździć za 6,5 tysiačy za kiłamietr. Pry hetym niekatoryja dyśpietčarskija słužby pryviazali taryfnuju abanienckuju płatu dla taksistaŭ da kursa dołara, jaki istotna vyras.
Nie ŭsie taksisty mohuć syści da Uber: mnohija nie zmohuć dazvolić sabie novuju mašynu z katehoryi «da piaci hod».
Udzielniki schodu nie vyklučali masavych akcyjaŭ pratestu. Siarod inšaha jany pahražajuć vyjechać na MKAD i «spynić horad».
U stalicy na siońnia pracuje kala 6 tysiač lehalnych taksistaŭ.
