Kinakampanija Russian Film Group zapuskaje histaryčny prajekt «Epocha roskvitu» ab dynastyi Ramanavych, jaki stanie rasijskim anałaham papularnaha sieryjała «Hulnia tronaŭ».
Dynastyja Ramanavych. Vyjava pravoslavie.ru
«Histaryčny prajekt «Epocha roskvitu» možna nazvać anałaham «Hulni tronaŭ». My vyvučyli biznes-madel hetaha prajekta, šmat razmaŭlali sa stvaralnikami «Hulni tronaŭ». Jak i ŭ hetym sieryjale, u nas budzie niekalki režysioraŭ, niekalki apierataraŭ, kožny ź jakich budzie sačyć za svajoj siamjoj, svaimi piersanažami», — raspavioŭ kiraŭnik kampanii Alaksiej Piatruchin ahienctvu TASS.
Ahułam płanujecca vypuścić 12 siezonaŭ pa 12 sieryj kožny. Dziejańnie «Epochi roskvitu» pačniecca ŭ Smutny čas.
Mastackim kiraŭnikom prajekta stanie režysior Aleh Stepčanka, jaki prasłaviŭsia dziakujučy filmu «Vij 3D».
Sieryjału budzie papiaredničać poŭnamietražny mastacki film, jaki vyjdzie na ekrany ŭ kancy 2017 hoda, paviedamili ŭ kinakampanii.
Pieršy siezon sieryjała pra Ramanavych vyjdzie ŭ pačatku 2018 hoda.
