Takuju zadaču jon pastaviŭ siońnia, prymajučy z dakładam ministra handlu Uładzimira Kałtoviča.
«Rabicie tak, kab i dziaržaŭny handal, i pryvatny, zamiežniki i svaje byli ŭ roŭnych umovach», — zapatrabavaŭ kiraŭnik dziaržavy.
«I nie hladzicie na zabastoŭki niejkich ipešnikaŭ ci jašče kahości. My dakładna damovilisia letaś! My nie pacany, kab nas vadzić za nos, tym bolš mianie. My damovilisia — u hetym klučy treba dziejničać», — skazaŭ Łukašenka.
«Treba razumieć, što tyja, chto zavoziać siudy roznaha rodu ryźzio, i navat dobraj jakaści, kali b heta było z Turcyi, Kitaja, Rasii, i inšaje — treba razumieć: usio, što my zavieźli da siabie adtul, my nastolki ž zahubili svaju ekanomiku, lohkuju pramysłovaść. Nie budzie jana raźvivacca. Tym bolš biez dakumientaŭ, bieź siertyfikataŭ. Słuchajcie!
Heta ž my ŭzakońvajem bandytyzm, złačyncaŭ! Adnych łovim, sadžajem, a inšym dazvalajem», — ličyć Alaksandr Łukašenka.
«I potym, jany pavinny razumieć, što siertyfikacyja tavaraŭ — heta tolki pieršy krok. My ŭ hetym hodzie zrobim usie kroki.
Tavar, tavaratranspartnyja nakładnyja, usie supravadžalnyja dakumienty, siertyfikacyja — pryjazdžaj, handluj. Niama hetaha — handlavać nie budzieš», - padkreśliŭ kiraŭnik dziaržavy.
Kiraŭnik krainy adznačyŭ, što nadalej hety biznes budzie padkantrolny. «Tady lohkaja pramysłovaść, handal budzie ŭ nas u Biełarusi dla ŭsich: i dla ipešnikaŭ, inšych pryvatnikaŭ, i dla dziaržpradpryjemstvaŭ — u roŭnych umovach. Jany hetaha zaŭsiody patrabujuć — dajcie nam roŭnyja ŭmovy. Voś roŭnyja ŭmovy», - skazaŭ na zakančeńnie kiraŭnik dziaržavy.
