Pra heta paviedamiŭ inśpiektar prapahandy MNS Kalinkavickaha rajona Ivan Jotčanka.
«Pozna ŭviečary chłopčyk pastaviŭ svoj novy telefon na padzaradku i pajšoŭ spać. Ranicaj, źbirajučysia ŭ škołu, jon adklučyŭ zaradnuju pryładu ad smartfona i zaŭvažyŭ, što mabilny nie pracuje. Pasprabavaŭ uklučyć — biezvynikova. Tady školnik vyrašyŭ dastać akumulatar, kab pierazapuścić telefon, ale, jak tolki jon źniaŭ viečka aparata, pačuŭsia chłapok i smartfon vypaŭ z ruk», — rastłumačyŭ Ivan Jotčanka.
Školnik raskazaŭ pra zdareńnie maci. Kali jany razam viarnulisia ŭ pakoj, dzie adbyŭsia vybuch, to ŭbačyli, što tam šmat dymu, a dyvan, na jaki ŭpała akumulatarnaja batareja, i kanapa prapalenyja. Siamja chutka patušyła ŭzharańnie i vyvietryła pakoj, a potym źviarnułasia da ratavalnikaŭ.
