Čaćviora z 35 vučniaŭ Racickaj škoły (Hrodzienski rajon), špitalizavanych z prykmietami atručvańnia nieviadomaj etyjałohii, znachodziacca ŭ reanimacyi. Takaja infarmacyja ahučana ŭ efiry telekanała ANT.
Jak paviedamlałasia, 35 vučniaŭ škoły špitalizavany z prykmietami atručvańnia nieviadomaj etyjałohii ŭ Hrodzienskuju abłasnuju dziciačuju kliničnuju balnicu. Siońnia dniom u dziaciej, jakija zajmalisia na druhim paviersie škoły, adbyłosia rezkaje paharšeńnie zdaroŭja (hałavakružeńnie, młosnaść, vanity, pavyšeńnie tempieratury cieła i arteryjalnaha cisku).
Praviedzienyja zamiery pavietra na ŭtrymańnie šerahu chimičnych rečyvaŭ pakazali, što niebiaśpiečnaj kancentracyi niama, radyjacyjny fon nie pieravyšany. Centr hihijeny, epidemijałohii i hramadskaha zdaroŭja taksama pravodzić zamiery na najaŭnaść škodnych rečyvaŭ, vyniki jakich buduć viadomyja paźniej. Na miescy zdareńnia pracuje śledča-apieratyŭnaja hrupa.