Vystava va ŭkrainskim pasolstvie prajšła ŭ niezvyčajnaj atmaśfiery. I sprava navat nie ŭ tym, što prajekt takoha rodu vyrašyli ŭpieršyniu pakazać u Minsku. Užo na ŭvachodzie ŭ faje ambasady na Staravilenskaj vulicy byŭ adčuvalny jaje asablivy farmat z notaj trahizmu. Naviedvalnikaŭ sustrakali pieśniaj, jakaja stała rekvijemam Revalucyi Hodnaści, — «Plivie kača pa Tisini».
Svaje tvorčyja raboty pradstavili mastaki, jakija pabyvali ŭ zonie ATA i ryzykavali ŭłasnym žyćciom. «Z Ukrainaj u sercy» — takim staŭ sumiesny prajekt ukrainskich i biełaruskich žyvapiscaŭ i fatohrafaŭ. Hetyja ludzi na svaje vočy ŭbačyli advarotny bok žyćcia. Takoje nikoli nie źnikaje ni z serca, ni z pamiaci.
Ekspazicyju, pryśviečanuju trahiedyi na paŭdniovym uschodzie Ukrainy, adkryvaŭ časovy pavierany Ukrainy ŭ Biełarusi Valeryj Džyhun. Jon prymierkavaŭ adkryćcio vystavy da hadaviny padpisańnia Minskich damoŭlenaściej, nahadaŭšy, što Biełaruś stała nie tolki placoŭkaj dla mirnych pieramovaŭ, ale i blizkim siabram i partnioram Ukrainy.
Časovy pavierany Ukrainy ŭ Biełarusi Valeryj Džyhun. Fota: Ina Kardaš.
«Biełaruś — našy siabry i partniory. I dla taho, kab nastaŭ va Ukrainie mir, my abjadnajem usie našy namahańni», — prakamientavaŭ Džyhun.
Valeryj Džyhun pryznaŭ, što va Ukrainie ź ciapłom staviacca da biełarusaŭ. Pa vynikach sacyjałahičnaha apytańnia «Rejtynh», mienavita za biełaruskim prezidentam ukraincy pryznali najbolš simpatyčnaha im palityka. Druhoje i treciaje miesca padzialili kancler Hiermanii i kiraŭnika Polščy i Litvy.
— Heta adlustravańnie ŭkrainskich simpatyj kaža pra toje, chto na samaj spravie źjaŭlajecca našymi siabrami ŭ śviecie. Biełaruski narod zajmaje pieršaje miesca, tamu što heta naš brat, naš susied i adzin z samych blizkich siabroŭ», — dadaŭ časovy pavierany.
Na praciahu paŭhadziny prysutnyja mahli prahladzieć dźvie karotkamietražnyja kinastužki, u siužet jakich byli pakładzieny trahičnyja padziei na paŭdniovym uschodzie Ukrainy. Vialikaja ŭvaha taksama była nadadziena hibieli biełarusa Michaiła Žyźnieŭskaha ŭ huščy padziej ukrainskaj Revalucyi Hodnaści. U asiarodździ mastakoŭ adznačyli, što małady čałaviek «zahinuŭ z-za rasiejskaj zbroi». Siarod hledačoŭ byŭ zaŭvažany i ambasadar Litvy ŭ Biełarusi Evałdas Ihnatavičus.
Pasoł Litvy ŭ Biełarusi Evałdas Ihnatavičus. Fota: Ina Kardaš.
Ni adzin z šaściarych mastakoŭ, što tvorča pieraasensavali padziei na Danbasie, nie zastaŭsia pa-za ŭvahaj. Darečy, vystavu jany arhanizavali za ŭłasnyja srodki. Taras Nosar, Hienadź Drazdoŭ, Aleś Cyrkunoŭ, Aleś Suša, Andruś Takindanh, Aleś Puškin prezientavali kala 30 svaich karcin.
Vystava mastakoŭ z zony ATA. Fota: Kardaš Ina.
Aleś Čarkašyn. Karcina ŭkrainskaha mastaka Tarasa Nosara. Fota: Ina Kardaš.
Vystava mastakoŭ z zony ATA. Fota: Kardaš Ina.
Ekspazicyi ŭkrainskich i biełaruskich mastakoŭ. Fota: Kardaš Ina.
Tvorčaja ekspazicyja biełaruskaha mastaka Alesia Puškina. Fota: Kardaš Ina.
Tvorčaja ekspazicyja biełaruskaha mastaka Alesia Puškina. Fota: Kardaš Ina.
Karcina biełaruskaha mastaka Alesia Cyrkunova. Fota: Ina Kardaš.
Ekspazicyi biełaruskich mastakoŭ Alesia Puškina i Alesia Cyrkunova.
Vystava mastakoŭ z zony ATA. Fota: Kardaš Ina.
Akramia karcin prafiesijnych mastakoŭ, arhanizatary ŭklučyli ŭ ekspazicyju i niekalki dziciačych malunkaŭ, a taksama fotaraboty.
Malunki minskich školnikaŭ na vystavie rabot mastakoŭ ATA. Fota: Kardaš Ina.
Biełaruski mastak i ŭdzielnik vystavy Hienadź Drazdoŭ raspavioŭ pra mety praviadzieńnia ekspazicyi pa vajennych matyvach va Ukrainie.
«Naša vystava — heta pieršy krok da taho, kab pasprabavać mastackimi srodkami vykazać trahiedyju i danieści jaje da hledača. Takim čynam my chočam ŭnieści ŭkład u prymireńnie dvuch bakoŭ», — zajaviŭ biełaruski mastak Hienadź Drazdoŭ.
Biełaruski mastak Hienadź Drazdoŭ. Fota: Ina Kardaš.
Paśla vystupu ŭkrainca mastaka Tarasa Nosara zała plaskała ŭ dałoni. Chvalujučaja ŭkrainskaja havorka čałavieka, jaki nie pa čutkach viedaje, što takoje čałaviečaje hora, nie pakinuła nikoha abyjakavym. Na vystavie Taras byŭ adzinym mastakom z Ukrainy. Jak vykazaŭsia sam Nosar, jamu było «i radasna, i adnačasova — sumna» pradstaŭlać Ukrainu tolki ad adnoj asoby — svajoj ułasnaj.
Ukrainski mastak Taras Nosar. Fota: Ina Kardaš.
— «Myšy i sabaki — heta ŭsie, chto jość u Piaskach. Bolš tam nikoha niama. Ale mocna chočacca, kab na našaj ziamli, jakaja kali-niebudź, dumaju, budzie adzinaj, nie było b tak, što tam tolki myšy i sabaki», — vykazaŭ nadzieju Taras Nosar.
Jaho biełaruski kaleha, Alaksandr Cyrkunoŭ, zaklikaŭ prysutnych ukraincaŭ źviarnucca ŭ Ministerstva kultury z prośbaj adkryć u Biełarusi biblijateku imia Tarasa Šaŭčenki. I nahadaŭ, što 2016 hod u Biełarusi — heta hod kultury.
— Mnie jak biełarusu krychu soramna, što my majem stolki roznych biblijatek, u tym liku rasijskich vielmi šmat, a ŭkrainskaj niama nivodnaj. Jość bulvar Šaŭčenki, jość skvier Šaŭčenki, a biblijateki niama, — pryznaŭsia Cyrkunoŭ, zhadaŭšy taksama pra hod kultury ŭ Biełaruś.
Takija słovy vialikamu ŭkrainskamu paetu Tarasu Šaŭčenka byli b jak balzam na dušu. Jon buccam by naziraŭ za tym, što adbyvajecca ŭ zale.
Partret Tarasa Šaŭčenki. Fota: Ina Kardaš
Mnohich naviedvalnikaŭ i praŭda vielmi zacikavili knihi na ŭkrainskaj movie.
Knižnaja ekspazicyja va ŭkrainskim pasolstvie. Fota: Kardaš Ina.
Naviedvalniki vystavy mahli nie tolki ŭbačyć pracy mastakoŭ dźviuch krain, ale i pasłuchać žyvuju muzyku ŭ bardaŭskim vykanańni
Vykanańnie piesień pad hitaru. Fota: Kardaš Ina
Vystavu naviedaŭ i pieršy biełaruski ŭładalnik litaraturnaj premii «Voin Śviatła» Anatol Baroŭski za knihu «Volaj abrany». Samu premiju zasnavali Nacyjanalny sajuz piśmieńnikaŭ Ukrainy i Sajuz biełaruskich piśmieńnikaŭ letam 2015 hoda. Takoj premijaj adznačajuć najlepšuju biełaruskuju abo ŭkrainskuju prozu, — vykryćcio baraćbu za spraviadlivaść i svabodu.
Pieršy biełarus, hanaravany premii pa litaratury «Voin Śviatła», Anatol Baroŭski. Fota: Ina Kardaš
Pobač z karcinami mastakoŭ źmiaściŭsia infarmacyjny stend ź infarmacyjaj pra ŭkrainskuju lotčycu Nadzieju Saŭčanka, što ŭtrymlivajecca pad aryštam u Rasii.
Infarmacyjny stend z Nadziejaj Saŭčanka. Fota: Ina Kardaš
Dvuchtydniovaja vystava ŭkrainskich i biełaruskich mastakoŭ adkryłasia 11 lutaha ŭ pasolstvie Ukrainy ŭ Biełarusi.
Fota Jeŭraradyjo
Fota Jeŭraradyjo
U čakanńni pierad vystupam — la karciny biełaruskaha mastaka Alesia Puškina. Tema karciny: vajna… nie adbyłosia kachańnia… nie naradzilisia dzieci. Fota Jeŭraradyjo
Aleś Puškin. Fota Jeŭraradyjo
Fota Jeŭraradyjo
Fota Jeŭraradyjo
Fota Jeŭraradyjo
Fota Jeŭraradyjo
Fota Jeŭraradyjo