Kamitet pa etycy FIFA na 12 hadoŭ zabaraniŭ byłomu hienieralnamu sakrataru arhanizacyi Žeromu Valkie zajmacca luboj dziejnaściu, źviazanaj z futbołam.
Jaho abvinavacili ŭ nielehalnym prodažy kvitkoŭ na čempijanat śvietu pa futbole ŭ Brazilii.
Padčas rasśledavańnia vyjavilisia taksama i inšyja mahčymyja vypadki złoŭžyvańniaŭ, u tym liku machlarstva z vypłataj kamandzirovačnych.
55-hadovaha Valkie taksama aštrafavali na 100 tysiač šviejcarskich frankaŭ (kala 102 tysiač dalaraŭ).
U vieraśnia 2015 hoda Valkie ŭžo byŭ časova adchileny ad futbolnaj dziejnaści na 90 dzion, 6 studzienia 2016 hoda hety termin byŭ praciahnuty jašče na 45 dzion.
U pačatku studzienia 2016 hoda śledčy adździeł kamiteta pa etycy FIFA rekamiendavaŭ adchilić Valkie ad pracy ŭ halinie futboła terminam na dzieviać hadoŭ, a praz tydzień jon byŭ zvolnieny z pasady hienieralnaha sakratara Mižnarodnaj fiederacyi futboła.
