Kryminalnaja sprava raspačataja ŭ dačynieńni da žycharki Hrodna, jakaja vyniesła na zvałku aryštavany televizar, paviedamili ŭ pres-słužbie UUS abłvykankama.
«U minułym hodzie na televizar, jaki naležaŭ sumiesna žycharcy Hrodna i jaje bratu, padčas praviadzieńnia śledčych dziejańniaŭ byŭ nakładzieny aryšt. Takaja miera nieabchodnaja, naprykład, dla pakryćcia škody šlacham realizacyi rečy», — rastłumačyli ŭ pres-słužbie UUS. Žančynu papiaredzili pra kryminalnuju adkaznaść za psavańnie, utojvańnie abo adčužeńnie majomaści, na jakuju byŭ nakładzieny aryšt. Svajak byŭ asudžany.
Adnak pra toje, što ździajśniać z televizaram manipulacyi zabaroniena, jana zabyłasia. Pavodle słoŭ žančyny, techniku jana nie schavała i nie pradała, a pazbaviłasia ŭ siłu taho, što taja sastareła. Hety fakt i vyjaviŭsia padčas pracesualnych dziejańniaŭ.
U dačynieńni da parušalnicy raspačataja kryminalnaja sprava pa art. 409 «Niezakonnyja dziejańni ŭ dačynieńni da majomaści, padvierhnutaj vopisu abo aryštu» KK Biełarusi. Pakarańnie pa artykule praduhledžvaje štraf, abo aryšt na termin da šaści miesiacaŭ, abo pazbaŭleńnie voli na termin da dvuch hadoŭ.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary