Šanoŭnaja redakcyja «Našaj Nivy», da Vas źviartajecca stały čytač ź Pinska. Tak supała, što ŭ vas vyjšaŭ artykuł ab prypynkach u Pinsku. I ja jakraz pra tyja prypynki Vam chacieŭ napisać. Viedajecie, heta abraza Hoda kultury!
Sprava ŭ tym, što i miesiac nie pavisieli partrety dziejačaŭ biełaruščyny, i na ich nalapili rekłamu. Zrabiła heta taja ž firma «Aranžavy delfin».
Stolki było papulizmu, stolki hučnych słoŭ, a ŭziali i zalapili. Hrošy bolš patrebnyja? Bolš niama partretaŭ Ciotki, Mulavina, Bahdanoviča dy Krapivy, chutka nie budzie i Šamiakina ź Mieležam. Skončyŭsia ŭ Pinsku Hod kultury i patryjatyzm. Pytańnie — navošta tady było ŭsio heta rabić, dziela pijaru «Aranžavaha delfina»? A mo kiraŭnictva prosta chacieła atrymać uznaharody ad uładaŭ. Darečy, važny fakt: jak tolki dyrektar «Aranžavaha delfina» pieramoh u haradskim konkursie «Čałaviek hoda», dyk i pačali zalaplać. Voś takija spravy.
