Pra heta raspavioŭ namieśnik ministra MUS Jarasłaŭ Zialinski.
«Miechanizm časovaha adnaŭleńnia pamiežnaha kantrolu prymianiaŭsia ŭžo dvojčy (padčas praviadzieńnia Čempijanatu Jeŭropy pa futbole ŭ 2012 h. i samita pa pytańniach klimatu ŭ 2013 hodzie). Hetaja miera dobra siabie pakazała, bo dazvoliła pavysić uzrovień biaśpieki», — adznačyŭ jon.
«Suśvietnyja dni moładzi — heta vielizarnaje mierapryjemstva, ź vialikaj kolkaściu haściej, pierš za ŭsio, maładych ludziej. U svaju čarhu, samit NATA — važnaja padzieja, z mnostvam VIP-haściej, vysokapastaŭlenych pradstaŭnikoŭ dziaržaŭ. My ličym adnaŭleńnie pamiežnaha kantrolu nieabchodnaj mieraj», — padkreśliŭ namieśnik ministra ŭnutranych spraŭ Jarasłaŭ Zialinski.
Pavodle jaho słoŭ, viedamstva taksama choča, kab da pačatku mierapryjemstvaŭ byŭ pryniaty t. zv. antyterarystyčny zakon
