Nie mienš za 25 čałaviek zahinuli ŭ vyniku vybuchu, ažyćcioŭlenaha terarystam-śmiarotnikam u irakskim horadzie El-Mikdadyja (pravincyja Dyjała), jaki raźmieščany za 80 km na paŭnočny ŭschod ad Bahdada.
Jašče kala 50 čałaviek paranienyja.
Pra heta paviedamiła ahienctva Reuters sa spasyłkaj na orhany biaśpieki Iraka.
Pavodle dadzienych ahienctva, vybuch adbyŭsia ŭ čas pachavalnaj cyrymonii.
Napiaredadni ŭ stalicy Iraka byli ažyćcioŭlenyja dva vybuchi, u vyniku jakich 78 čałaviek zahinuli i bolš jak 100 atrymali ranieńni. Napadzieńni byli ŭčynienyja na ŭschodzie horada ŭ nasielenym pieravažna musulmanami-šyitami rajonie Madynat-Sadr.
Terarysty-śmiarotniki padarvali dźvie vybuchovyja pryłady na miascovym rynku.
0
0
0
0
0
0
