Repliku šlema ź viadomaha daśpiešnaha abmundziravańnia Mikałaja Radziviła Čornaha siaredziny XVI stahodździa, vyrablenaha znakamitym jeŭrapiejskim majstram Kuncam Łochnieram, ubačać naviedvalniki vystavy ŭ Nacyjanalnym histaryčnym muziei Biełarusi, paviedamili ŭ muziei.
Na vystavie pradstaŭlenyja histaryčnyja rekanstrukcyi: šlemy, daśpiechi, dzidy i charuhvy XI-XVII stahodździaŭ, vyrablenyja mastackaj majsterniaj «Stalnaja spadčyna» ŭ Minsku. Na prykładzie kožnaha šlema možna prasačyć raźvićcio majsterstva zbrojnikaŭ, adroźnić šlemy pa sasłoŭnaj prynaležnaści voina. Naviedvalniki vystaŭki zmohuć ubačyć praktyčna ŭsie typy šlemaŭ, jakija vykarystoŭvali našy prodki i ich praciŭniki: rannija siektarnyja, śfierakaničnyja, harškovyja, bacyniety, sałady, arme, burhińjoty i mnohija inšyja.
Vystaŭka «Bajavyja nahałoŭi /šlemy/ zaścierahalnaha ŭzbrajeńnia i charuhvy biełaruskich ziamiel XI-XVII stahodździaŭ» pakazvaje majsterstva mastakoŭ, jakija tak staranna i detalova padyšli da stvareńnia daśpiechaŭ, šlemaŭ, abarončaj zbroi, što adroźnić ich ad realnych histaryčnych anałahaŭ praktyčna niemahčyma.
Aznajomicca z ekspazicyjaj, jakaja raskryvaje zabytyja staronki historyi Biełarusi, možna z 5 sakavika pa 10 maja.
