Viktar Bandarenka na Kupalli 2012 hodu
Viktaru było tolki 25 poŭnych hadoŭ. Ciapier jon, chutčej za ŭsio, znachodzicca ŭ morhu vjetnamskaha horadu Dałata, niepadalok ad papularnaha ŭ turystaŭ vadaspada Panhur, dzie j zdaryłasia trahiedyja. U hetym vadaspadzie 28 lutaha Viktar patanuŭ, padarožničajučy aŭtaspynam pa Vijetnamie.
— My ŭsie šakavanyja viestkaju pra hibiel Viktara. Jon užo stolki padarožničaŭ — i zaŭsiody ščaśliva viartaŭsia dadomu. Ciapier jaho niejak treba pryvieźci. Ale jak? Natalla Mikałajeŭna, maci Viktara, pahadziłasia, što cieła syna treba kremiravać u Vijetnamie, a paśla ŭžo pachavalnuju vazu z pracham vieźci dadomu. Na ŭsio patrebny hrošy, i niemałyja. Tolki na kremacyju treba mieć 2,2 tysiačy dalaraŭ. Tamu j źviartajemsia da hramadzkaści pa dapamohu, — apavioŭ Radyjo Svaboda stryječny brat Viktara, taksama Viktar.
Naradziŭsia Viktar Bandarenka pry kancy lipienia 1990 hodu. Hamielčuki, chto viedaŭ jaho, adznačajuć, što heta byŭ soniečny čałaviek — vysoki, viasioły, adkryty i ščyry.
Spačuvajučy svajakam, Anatol Kozič u sacyjalnaj sietcy napisaŭ: «Takich ludziej, jak Vicia, niemahčyma zabyć, u im była radaść i viecier, paezija i chutkaść, pošuk i ciaha… Indziejec, navošta ty syšoŭ?»
— Indziejcam jaho nazyvali tamu, što jon zachaplaŭsia historyjaj, kulturaj i pobytam paŭnočna-amerykanskich indziejcaŭ — sam navat nasiŭ doŭhuju kasičku. I biełaruščynie jon byŭ ščyra addany. Nivodnaje Kupalle, kaladavańnie ci Hukańnie viasny nie abychodziłasia biaź Viktara. Aficyjna jon chacia j nie ŭstupaŭ u našu moładzievuju histaryčna-kulturnickuju supołku «Tałaka», ale zaŭsiody dapamahaŭ. I sam aktyŭna ŭdzielničaŭ. Na imprezu jon moh pryjści ŭ čyrvonych šaravarach i kašuli-vyšyvancy. Kali było choładna, apranaŭ navierch palito j šapku-vušanku — ci to z futra vaŭka, ci to janota. U takim vyhladzie na kaladavańni vadziŭ Kazu albo vystupaŭ skarbnikam ź vialikim miecham. Vyhladała ŭsio daścipna j viesieła. A jašče Viktar lubiŭ vandravańni — moh biaskonca raspaviadać, što choča abjeździć Aziju i navat maje plan z 50 dalarami asvoić najpierš i Kitaj, i Manholiju. I prajekt svoj nazvaŭ hetak: «Čałaviek moža ŭsio», — zhadvaje kiraŭnik homielskaj «Tałaki» Jaŭhien Mierkis.
Bandarenka — pavadyr Kazy — kaladavańnie na Centralnym rynku, 2014 hod
Nia tak daŭno Bandarenka skončyŭ histaryčny fakultet Homielskaha dziaržaŭnaha ŭniversytetu imia Franciška Skaryny i vielmi šanavaŭ bahatuju historyju Biełarusi. Adnak vykładać historyju ŭ škole jamu nie daviałosia — najčaściej Viktar zarablaŭ niejkuju kapiejčynu, padpracoŭvajučy na zavodach Navabielickaha rajonu Homiela.
A jašče ŭ zvyčajnaj chacie ŭ pryharadnaj vioscy Čonki, što za Navabielicaj, Viktar stvaryŭ «Klub pazytyŭnych vandrovak». Tym samym dapamahaŭ vandroŭnikam inšych krainaŭ, kali na ichnim šlachu traplaŭsia Homiel.
Ciapier dapamoha patrebnaja samomu Viktaru — nazaŭsiody viarnucca ŭ Homiel z apošniaj svajoj vandroŭki.
Rekvizyty dla pieraličeńnia hrošaj
U biełaruskich rublach:
Dla fizičieskich lic błahotvoritielnyj sčiet 000043
Filiał 300/300 Homiel: Bondarienko Natalja Nikołajevna.
Dla bieznaličnoho r/s 3819382100255
mfo 151501661
UNP 400207877.
U rasiejskich rublach:
Bank-korriespondient:
PAO «Promśviaźbank» Moskva
Kod sčieta 30101810400000000555 v OPIERU Moskva Banka Rośsii, h. Moskva.
— BIK: 044525555
— INN: 7744000912
Bank-połučatiel: OAO «ASB Biełarusbank»
Bankovskij sčiet № 30111810300000843901
Połučatiel: Bondarienko Natalja Nikołajevna
Sčiet: 000027
Filiał 300/300 Homiel.
U dalarach ZŠA:
Bank-korriespondient: CITIBANK N.A., NEW YORK
SWIFT: CITIUS33
Account: 36316365
Bank-połučatiel:BELARUSBANK 18, DZERZHINSKI AVE MINSK 220089, BELARUS
