Sieradovišča — ukrainskija sustrečy z Andrejem Chadanovičam pa sieradach u kniharni łohvinaŬ. Sustreča druhaja: «Andruchovič is OK».
Admysłovaja hościca — pierakładčyca Maryna Šoda.
9 sakavika. Minsk, pr-t Niezaležnaści, 37a, 19:00.
U miežach «Hoda ŭkrainskaj litaratury z kniharniaj łohvinaŬ».
***
Juryj Andruchovič (1960) — adzin z najviadomiejšych u śviecie ŭkrainskich piśmieńnikaŭ. Adzin z hałoŭnych hierojaŭ postsavieckaha sučukrlitu. Adna treciaja lehiendarnaj hrupy Bu-Ba-Bu i jaje Patryjarch. Jaskravaja častka «stanisłaŭskaha fenomenu» i sam pa sabie — stanisłaŭski j mižnarodny fenomen.
U 80-ch hh. ščaślivy sułtan u haremie ŭkrainskaj sylaba-toniki, a potym, pa doŭhim maŭčańni, — uciakač na terytoryju verlibru. Kultavy pierakładčyk amerykanskaj paezii. Daśledčyk paezii Bahdana-Ihara Antonyča. Mahčyma, samy «śpiavany» paet ukrainskaha roku.
Aŭtar niekalkich važnych knih prozy. Apovieść «Rekreacyi» i raman «Maskavijada» byli pierakładzienyja na biełaruskuju, a polski pierakład «Dvanaccaci abručoŭ» prynios aŭtaru prestyžnuju premiju «Anhiełus».
