Aficyjny adkaz EHU na infarmacyju pra zarobki ŭ EHU Times: «Ličby — sucelna novaja vizija»
Jeŭrapiejski humanitarny ŭniviersitet (EHU) dasłaŭ svoj aficyjny kamientar da artykuła «Našaj Nivy» «EHU šukaje štat u studenckuju hazietu z zarobkami, utraja bolšymi, čym na anałahičnych pasadach u biełSMI». Voś jon.
«Pradstaŭlenyja na ilustracyi artykuła ličby źviazanyja z sucelna novaj vizijaj prahramnaha i intytucyjnaha raźvićcia EHU, što datyčycca vynikaŭ pracy ŭniviersiteta na praciahu 10 hadoŭ u Vilni — źjaŭleńnie novych daśledčych centraŭ, vučebnych prahram dy instytucyjnaha raźvićcia, jakija adpaviadajuć sučasnym vyklikam biełaruskaha hramadstva, a taksama ŭsioj Uschodniaj Jeŭropy.
EHU Times źjaŭlajecca častkaj najnoŭšaj Miedyja-łabaratoryi EHU, stvareńnie jakoj było padtrymana Jeŭrapiejskaj kamisijaj i BBC/IREX; łabaratoryja mieścicca ŭ budynku Litoŭskaha nacyjanalnaha radyjo i telebačańnia i źjaŭlajecca aktyŭnaj placoŭkaj pa navučańni studentaŭ univiersiteta. Metaj EHU Times bačycca zabieśpiačeńnie prastory šmat-płatformiennaha prafiesijnaha miedyja-navučańnia, takim čynam uzmacniajučy ŭpłyŭ univiersiteta na paskorańnie sacyjalnych transfarmacyj u Biełarusi i ŭsiaho ŭschodniejeŭrapiejskaha rehijona praź niezaležnuju i prazrystuju miedyja-analityku i supraćstajańnie dziaržaŭnaj prapahandzie aficyjnych biełaruskich i rasijskich miedyja.
Siarod mahčymych donaraŭ takoha kšałtu prajekta my bačym Ministerstvy zamiežnych spraŭ i mižnarodnyja fondy krainaŭ-donaraŭ EHU. Prajektavańnie vydatkaŭ na zarobki zaŭždy ŭklučaje pakryćcio ŭsich padatkavych vypłataŭ, jakaja prymianiajucca ŭ Litvie (mienavita, padatak na asabisty dachod, sacyjalnaje zabieśpiačeńnie, strachavyja fondy i inš., jakija prymianiajucca da supracoŭnikaŭ i pracadaŭcaŭ). Takim čynam miesiačny zarobak bruta ŭ pamiery €1200 aznačaje €695 «na ruki» paśla vypłaty ŭsich nieabchodnych padatkaŭ.
Usie aktualnyja finansavyja spravazdačy i spravazdačy dziejnaści ŭniviersiteta, jakija paćvierdžany Kirujučaj radaj dy donarami ŭniviersiteta, znachodziacca na aficyjnaj staroncy ŭniviersiteta».
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy7
Kamientary