U Minsku abvaliłasia vieža Piščałaŭskaha zamka, dzie raźmiaščajecca śledčy izalatar hałoŭnaha ŭpraŭleńnia ŭnutranych spraŭ Minharvykankama (SIZA № 1).
Jak paviedamiŭ BiełaPAN dziažurny izalatara, nadzvyčajnaje zdareńnie zafiksavana 20 krasavika ŭ 8.20. «Paciarpiełych niama, heta niežyłoje pamiaškańnie», — skazaŭ dziažurny.
Piščałaŭski zamak byŭ pabudavany ŭ 1825 hodzie. Uźviedzieny ŭ styli rańniaha kłasicyzmu, jon adrazu pačaŭ vykarystoŭvacca ŭ jakaści turmy. Na pačatku minułaha stahodździa tut byŭ źniavoleny Jakub Kołas, aryštavany za ŭdzieł u niesankcyjavanym źjeździe radykalna nastrojenych nastaŭnikaŭ. Tut raniej siadzieli hieroi paŭstańniaŭ 1831 i 1863, Dunin-Marcinkievič, Karuś Kahaniec. Na bramie hetaha turemnaha zamku byŭ paviešany Ivan Pulichaŭ, što pomściŭ rasiejskamu hubernataru Kurłovu za rasstreł demanstracyi mienčukoŭ.
Prykładna z 1999 hoda pačalisia razmovy ab budaŭnictvie novaha budynka SIZA na ŭskrainie Minska i pieradačy budynka zamka ŭ viedańnie harvykankama, adnak dalej razmoŭ sprava nie prasunułasia.
Letam 2002 hoda hazieta «Viečiernij Minsk» paviedamiła, što najbolš prydatnaj dla budaŭnictva novaha śledčaha izalatara śpiecyjalisty MUS i kamiteta pa architektury, horadabudaŭnictvie i ziemlekarystańni Minharvykankama pryznali placoŭku ŭ rajonie Kaladzič pad Minskam. Pavodle aryjencirovačnych raźlikaŭ, košt budaŭnictva SIZA pavinien skłaści pryblizna 20 młn. dołaraŭ.
U hutarcy z žurnalistami ŭ studzieni 2004 hoda ministr unutranych spraŭ Uładzimir Navumaŭ paviedamiŭ, što davoli šmat padraździaleńniaŭ i słužbaŭ MUS raźmiaščajucca ciapier u budynkach, jakija źjaŭlajucca pomnikami architektury. Naprykład, rajadździeł milicyi ŭ Kobrynie (Bresckaja vobłaść) raźmiaščajecca ŭ budynku žanočaha manastyra XIV stahodździa.
