Hiermanija vyvučyć mahčymaści nakiravańnia lekaraŭ da niezakonna zaklučanaj u Rasii ŭkrainskaj lotčycy Nadziei Saŭčanka, pra što napiaredadni prasiŭ prezident Ukrainy Piatro Parašenka.
Pra heta ŭ piatnicu ŭ Bierlinie zajaviŭ aficyjny pradstaŭnik MZS Hiermanii Marcin Šefier, paviedamlaje »Ukrinfarm».
«Na padstavie hetaj prośby my, viadoma, pravierym, jakija mahčymaści ŭ nas jość, kab akazać humanitarnuju dapamohu», — skazaŭ jon, dadaŭšy, što situacyja składanaja.
Dypłamat nahadaŭ, što niamieckija lekary ŭžo pryciahvalisia da spravy.
«Paśla 12 lutaha minułaha hoda ministr (zamiežnych spraŭ FRH Frank-Valter Štajnmajer.) Źviartaŭsia da prezidenta Uładzimira Pucina z pytańniem ab tym, ci možna nakiravać da jaje (Saŭčanka) Hrupu niamieckich miedykaŭ. Pucin daŭ zhodu, i heta adbyłosia», — skazaŭ Šefier.
U svaju čarhu pasoł Ukrainy ŭ Hiermanii Andrej Mielnik paviedamiŭ ahienctvu, što «pytańnie ź niamieckimi lekarami ŭźnikła tady, kali Rasija admoviła dapuścić našych».
Jon acaniŭ šancy pryciahnuć niamieckich miedykaŭ jak «niadrennyja», taksama spasyłajučysia na «stanoŭčy dośvied, jaki byŭ hod tamu».
Napiaredadni Mielnik paviedamiŭ, što pa daručeńni Parašenki źviarnuŭsia da niamieckaha boku z prośbaj jak maha chutčej nakiravać da Saŭčanka lekaraŭ z Hiermanii.
Ciapier čytajuć
Jak žyvie Aleś Muchin, viadomy znaŭca «Što? Dzie? Kali?»11
Kamientary